Ferðamenn ævareiðir bílaleiguforkólfum

Ferðamenn, sem þurft hafa að komast leiðar sinnar yfir þá illræmdu Múlakvísl eftir að brúna tók þar af, eru ævareiðir bílaleigumönnum fyrir slóðahátt og aumingjaskap. Ferðamaðurinn Indriði handreður kveðst innilega hneykslaður á að eigendur bílaleigufyrirtækja skuli ekki hafa drullast til að ferja bíla yfir vatnsfallið fyrr en nú undir kvöld. - Þessir aumu þorparar hafa skaðað mig um milljónatugi með sljóleika sínum og gunguhætti, segir Indriði handreður, sem átti það erindi austur á land í gær að finna kvenmann sem hann á vingott við. Hann hefur nú falið lögmanni sínum að höfða mál á hendur bílaleigumönnum. Kolbeinn Kolbeinsson skrifstofustjóri tekur í sama streng Indriði, en bætti því við að allt þetta væri þó fyrst og fremst ríkisstjórninni að kenna. Ennfremur kvaðst hann agndofa á því að kraftakarlinn Jón Gunnarsson þingmaður Sjálfstæðisflokksins skuli ekki enn vera mættur á staðinn til að bera bifreiðar manna á bakinu yfir Múlakvísl eins og hann hafði verið búinn að lofa.

Ferja bílaleigubíla yfir

Athugasemdir

[Anna Sigríður Guðmundsdóttir, 11.7.2011 kl. 22:19]

Jóhannes. Til hamingju með hvað þú ert "málnefnanlegur". Geri aðrir betur á þessu sviði! Svei þér! 

Það vantar tilfinnanlega skiljanleg rök og útskýringar á mannamáli, sem þú hlýtur að geta komið með, um þennan "frábærlega og málefnanlega fróðlega" pistli þínum, sem örugglega hjálpar mörgum til að skilja þig!

Það vantar tilfinnanlega málnefnanleg og skiljanleg rök fyrir lýðinn í landinu?

Er það til of mikils mælst af þér, sem ert svona langt fyrir ofan lýðinn í landinu, að koma með pistla á mannamáli, og skiljanlega rökræðu um þjóðmálunum?

Nú verður þú að taka þig saman í andlitinu og í röksemdarfærslunni, ef á að vera hægt að læra eitthvað af þér, til gagns fyrir alla? Sjónarhornin eru nefnilega jafn mörg og fólkið í landinu! Þitt sjónarhorn er hrokafullt og illskiljanlegt fyrir mig alla vega, og einsleitt!

 M.b.kv.

[Rauða Ljónið, 11.7.2011 kl. 22:24]

Þegar hringvegurinn var lagður var gert ráð fyrir flóðum, brýrnar byggðar með því sjónar að þær tækju af og að vegasamband myndi rofna nú er fávita flóran búinn að gleyma því vegna,  vegna skorts af gáfum og vælir út í eitt.

[Anna Sigríður Guðmundsdóttir, 11.7.2011 kl. 22:26]

Afsakið málfræði-villurnar, ef það er mögulegt, Jóhannes, hinn mikli og réttsýni!

M.b.kv.