Smjörgreiddar unglingsskjátur, hörundssárar og uppstökkar, eru sannarlega varasamar

Tja, það er eins gott fyrir fólk að haga sér settlega á feisbúkksíðum og bloggum ef það vill ekki hafa verra af. Einkum er nauðsynlegt vanda alla orðræðu sína þegar í hlut eiga smjörgreiddar unglingsskjátur af óaðfinnalegur borgarastandi því slíkar unglingsskjátur eiga vanda til að vera hörundssárar og uppstökkar og vísar til að grípa til hefndaraðgerða finnist þeim á sig hallað, einkum ef þær eiga góða að í dómsölum og öðrum háæruverðugum stöðum.

Hinsvegar gengu bræðurnir þarna í Malasíu óumdeilanlega allt of langt þegar þeir börðu netóvin systur þeirra til ólífis með mótorhjólahjálmum til að fullnægja réttlætinu; þeir og systirin hefðu átt að láta sér nægja að hóta að stefna manninum og krefja hann skaðabóta fyrir fúllyndið í garð systurinnar.

Þess má og geta, að frú Ingveldur hefur nú höfðað mál á hendur nágrannakonu sinni fyrir að hafa pissað af yfirlögðu ráði inni á lóð frú Ingveldar og Kolbeins Kolbeinssonar skrifstofustjóra og bætt síðan gráu afan á svart með því að hæla sér af verknaðinum á feisbúkksíðu sinni með orðbragði sem frú Ingveldur sættir sig engann veginn við.

Myrtur vegna Facebook skrifa

Athugasemdir

[Axel Jóhann Hallgrímsson, 2.8.2011 kl. 11:01]

[Vendetta, 2.8.2011 kl. 12:09]

Athugaðu, Jóhannes, að þetta gerðist í islamska ríkinu Malaysia, þar sem refsingar eru með öðrum hætti. Það sem þessi unglingur gerði (skrifa níð um fjölskyldu stúlkunnar) var að leika sér að eldinum. En það má segja að hann sé hugrakkur (eða heimskur) að fara bak við hús með bræðrum hennar eftir á. Hélt hann kannski að þeir ætluðu bara að skamma hann?