Upplausn þjóðfélagsins og úrkynjun

Mikið óskaplega leiðast mér smámunasamir embættismenn, sem einlægt eru að reyna ná sér í prik með því að klekkja á náunganum útaf einhverjum nauðaómerkilegum tittlingaskít. Þessháttar larfar eru í sannleika sagt óþolandi illgresi í hverju friðsömu og glaðsinna samfélagi. Að láta sér detta í hug að veitast að góðglöðum skipstjóra er fáránlegra en svo að orðum verði að komið. Aldrei lét sá mikli og frægi skipstjóri, Þorgarður Þorgarðsson, ölvunarástand aftra sér frá því að bjóða Ægi konungi byrginn, hvernig sem viðrað. Enda varð Þorgarður snemma þjóðsagnapersóna og sönn fyrirmynd vaskra drengja. Og aldrei lét nokkur tollheimtumaður eða lögregluprjónn sér til hugar koma, að finna að því við Þorgarð, að hann sigldi sinn sjó með eins og eina pottflösku af rommi fyrir bringspölunum. Það er enda samdóma álit allra samferðarmanna Þorgarðs, að aldrei hafi hann siglt jafn glæsilega með himinskautum en þegar hann hafði Bakkus með sér við stjórnvölinn.

Nú ráðast undirtyllur myglaðra sýslumanna á skipstjóra á 111 metra löngum skipum og láta þá blása í blöðrur og sjúga úr þeim blóð af sama virðingarleysi og þeir væru að sparka í hund. Þvílík háttsemi kann ekki góðri lukku að stýra en sýnir betur en margt annað upplausn þjóðfélagsins og úrkynjun. 

   

Drukkinn skipstjóri handtekinn

Athugasemdir

[Magnús Jónsson, 21.11.2009 kl. 00:23]

Jóhannes: Oft hefur mér blöskrað það sem þú hefur látið fara frá þér að prenti en aldrei sem nú, það er eitthvað mikið að hjá þér, og að þú skulir búa í samfélagi sjómanna gerir það sem þú lætur frá þér núna nánast að vitfyrningu, ég bara skil ekki men sem geta réttlætt svona, mikið átt þú bágt ef þetta er í raun það sem þú hugsar, en jafn nöturlegt ef þetta á að vera grín þá skilur þú ekki grín, ég veit ekki hvort er verra???

[Árni Sigurður Pétursson, 21.11.2009 kl. 00:24]

Ertu ekki að grínast ?

finnst þér semsagt allt í lagi að vera ölvaður við skipsstjórn  vegna þess að það var það einhver á síðustu öld ?

[Björn Jónsson, 21.11.2009 kl. 01:21]

GÓÐUR!!!

Gott að hafa húmorinn á réttum stað á síðustu og verstu. Skipstjórinn hefur væntanlega vitað að Vodkinn hefði verið tollskyldur í umbúðunum, kallgreyið hefur ekki vitað hvernig Íslenskir togaraskipstjórar afgreiða svona mál.

Áfram með góðan húmor, þó einn og einn séu með FATTARANN í ólagi.

[Magnús Jónsson, 21.11.2009 kl. 01:33]

Björn:Hugsa fyrst skrifa svo, það að einn skrifi eins og vanviti réttætir ekki að annar geri það líka.

[Tryggvi Stefánsson (IP-tala skráð) 21.11.2009 kl. 06:08]

Haha

Björn, auglóslega er þetta brandari, ekki ástæða til þess að missa sig! 

Mikið er mér illla við moggabloggara, afhverju þarf að tengja færslu til þess að fá athygli.

 Ef þú ert góður penni þá mun fólk lesa bloggið þitt, ekki tengja þetta við mbl bloggið, það er svo jaa pathetic!