Þeir migu á embættismann

Ekki minni maður en kóngsböðullinn á Bessastöðum, Sigurður Snorrason, mátti hlíta þeim ósköpum á sinni tíð, að það migu utaní hann allir hundar. Og fyrst kóngsins maður varð að gera sér slíkar trakteringar að góðu þá hlýtur steindautt minnismerki austur við Eystrasalt hafa gott af því að fá ærlega vökvun úr þvagfærum alþýðlegs breta og breytir þá litlu hvort svokölluð frelsissúla í Ríga er 42 metrar að hæð eða 4200 metra.

Svo má geta þess að sannir íslendingar setja sig aldrei úr færi með að míga utaní Stjórnaráðshúsið eða Alþingishúsið, ekki frekar en hundarnir sem töldu það skyldu sína að væta buxurnar á embættismanni danakonúngs hér fyrrum. Þá eru til þeir menn hérlendis sem telja ekki eftir sér að míga með mikilli velþóknun og nautn á samborgara sína.

Læt eg hér með lokið umfjöllun minni um hlandóða íslendinga af manna- og hundakyni og þann ágæta breta sem mé af sannri innlifun á ,,eitt mest metna minnismerki Lettlands." 

Migið á minnismerki

Lítilmenni samfylkja með Sjálfstæðisflokknum

http://www.ogmundur.is/kjaramal/nr/3763/

Pistill Össurar ræddur á þingflokksfundi

Stórmenni og mannvinur sest í helgan stein

Lifi stórmennið og mannvinurinn félagi Fídel !!!

Og hafi hann þökk fyrir 49 ára leiðsögn alþýðunnar á Kúbu.

 

Kastró segir af sér

Stórmenni og mannvinur sest í helgann stein.

Lifi stórmennið og mannvinurinn félagi Fídel !!!

Og hafi hann þökk fyrir 49 ára leiðsögn alþýðunnar á Kúbu.

 

Kom fáum á óvart

Mikill viðburður

Það er sannarlega mikill viðburður að loðnu sé landað, þar sem loðnustofinn er svo gott sem útdauður. Það að loðnuveiðar séu leyfðar er útaf fyrir sig ekkert minna en stórglæpur og sannarlega merkilegt að þeir sem það leyfa skuli ekki vera látnir axla ábyrgð á gjörðum sínum.

Fyrsta loðnan komin til Eyja

Múhameðsvakning framsóknarmanna

Það er mesti misskilningur að það hafi verið ungmenni sem héldu úti óspektum í Kaupmannahöfn og víðar í Danmörku í gærkvöldi og nótt. Samkvæmt áreiðanlegum heimildum stóðu danskir framsóknarmenn fyrir þessum djöflagangi sem endaði með því að þeir kveiktu án nokkurs samviskubits í Værebro-skóla. Þá er talið fullvíst að hópur íslenskra atvinnu-framsóknarmanna (sbr. atvinnu-mótmælendur) hafi, af fullum þunga, tekið þátt í óeirðunum. Ástæðan fyrir gassagangi danskra, já og íslenskra, framsóknarmanna ku eiga rætur að rekja til óánægju þeirra með birtingu skopmynda af spámanninum Múhámeð, en mikil múhámeðsvakning hefur sem kunnugt er orðið meðal framsóknarmanna á síðustu misserum. Þeir telja semsé núorðið, framsóknarmennirnir, að Múhámeð spámaður hafi verið framsóknarmaður og lagt grunninn að framsóknarmennskunni.

Íkveikjur og óspektir í Danmörku

Hagfræðingar og skítapakk

Skjaldan er góð vísa of oft kveðin: ,,Ráðlegt er að hafa í hakk / hagfræðinga og skítapakk."

Taxtar hækka um 18 þúsund

Hugbúnaður fyrir fábjána

Nú ku gáfumannasamfélagið Matís vera búið að sulla saman hrossalækningaforriti sem ætlað er blábjánum í útgerð. Ekki er að efa að þessi tölvuleikur á eftir að slá í gegn því hann getur aukið virði sjávarfangs uppá eigin spýtur með því einu að notandinn smelli með tölvumúsinni sinni þetta tvisvar - þrisvar sinnum. Auðvitað var E. Kr. Guðfinnsson mættur fyrstur manna til að kynna sér þessa mögnuðu tækni fyrir hlandaula og lauk auðvitað lofsorði á hundakúnstirnar.

Og hvað gerir svo undraforritið fyrir hina fávísu útgerðarjálka, sem allir eru að sjálfögðu gildir limir í LÍÚ? Jú því er svarað í fréttinni af þessum fróðárundrum:

,,Til þess að ákvarða hagkvæmasta fyrirkomulagið að veiðum með FisHmark eru m.a. skoðaðir eftirtaldir þættir: Samanburður á höfnum, leiguverð á kvóta, afköst fiskvinnslu, aflasamsetning, útflutningsálag, lokun svæða, takmörk á kvótaleigu, útgerð án fiskvinnslu og aflahlutir. Miðað við bestu lausn var 9,5% aukinn hagnaður af rekstrinum ef veitt var úti fyrir Vesturlandi í stað veiða suðaustanlands."

Því miður virðist vanta fáeina nauðsynlega fídusa í FisHmarksnilldina. Ber þar fyrst að nefna hvernig hagkvæmast sé að standa að brottkasti. Þá hafa höfundar forritsins látið undir höfuð leggjast að láta apparatið reikna jákvæðar framhjálandanir inní dæmið. Ég er algjörlega brandsjúr á, að ef þessar tvær aðgerðir væru virkar í forritinu yrði ,,besta lausnin" ekki nein helvítis 9,5% heldur 39,5% eða jafnvel þaðanaf meira. Þá mætti FisHmarkið að ósekju reikna út hagkvæmnina af gengdarlausum loðnu- og kolmunnaveiðum með tilliti til skorts á fæðu fyrir þorskfiska í íslensku fiskveiðilögsögunni.

 

Nýr hugbúnaður stuðlar að bættri afkomu sjávarútvegsfyrirtækja

Stuðningsyfirlýsing við Bjartmarzfjölskylduna

Það er hárrétt ákvörðun hjá meðlimum Bjartmarzfjölskyldunnar að höfða meinyrðamál á höndur kastljóssböðlunum fyrið meðferðina á sér í fyrra. Fólk skal gera sér grein fyrir, að framferði umræddra kastljóssböðla hafði þingsætið af frú J. Bjartmarz og lagði í leiðinni Framsóknarflokkinn í rúst. Persónur sem hafa þessháttar glæp á samviskunni eiga náttúrlega fátt annað skilið en að taka út sína refsingu á Hrauninu upp á vatn og brauð.

Mér er afar ljúft á þessari stundu að lýsa yfir fullum og innlegum stuðningi við fjölskylduna Bjartmarz í þrengingum hennar, sem og réttmætum málaferlum hinna ungu Bjartmarza gegn óbilgjörnum kastljóssböðlum og Páli Mángasyni útvarpsstjóra. Gefi Guð að farsælir dómstólar landsins dæmi ríkisrekna sjónvarpsvillumenn, andskota Bjartmarzfjölskyldunnar, til þyngstu refsingar sem til er í íslenskum lögum.   

Meiðyrðamál gegn Kastljósi

Frú Ingibjörg Err veit hvað hún segir

Frú Ingibjörg Err veit uppá hár hvenær stjónvöldin hennar ætla að koma að ,,kjarasamningum"  enda er hún fulltrúi Sjálfstæðisflokksins í forustusveit ASÍ. Það er ekki amalegt fyrir ríkisstjórnina að eiga sínu hundtryggu leppa beggja vegna ,,samningaborðsins, undir því og ofaná.

Allt óljóst enn í kjaramálum