Saklausi framkvæmdastjórinn í Sviðinsvík

Ætli færi ekki betur á Pétur Pálsson, alnafni Péturs Pálssonar framkvæmdastjóra í Sviðinsvík, og aðrir af hans kalíberi stígi, þó ekki væri nema 60 mínútur, útúr sínu hefðbunda umhverfi einkahagsmuna , frekju og tillitsleysis og íhugi vandlega, af heiðarlegu hlutleysi og opnum huga, réttmæti þeirrar gagnrýni sem kvótakerfið hefur orðið fyrir. Getur ekki verið að einhverjir útgerðaraðilar hafi gert einhverja þá hluti sem samrýmast ekki lögum og reglum, þverbrotið almennar reglur um siðferði, gert eitthvað mikið á hluta fjölda manns og fjölda byggðarlaga ? Ætlar alnafni Péturs framkvæmdastjóra í Sviðinsvík að halda því fram að ekkert óeðlilegt hafi farið fram í sjávarútvegsmálum síðan kvótakerfið var sett á ? Menn hafi bara verið að leigja og selja sín á milli aðgang að auðlind, - sem þeir eiga ekkert í umfram aðra landsmenn og búið til froðupeninga sem engin verðmætasköpun var á bak við. Stundað brottkast, framhjálandanir og tegundasvindl baki brotnu, öllum til heilla. Allt aldeilis sárasaklaust og öllum til hagsbóta.

Meðan útgerðarmenn eru jafn staurblindir á eigin misgjörðir er ekki við nokkru að búast af viti úr þeirri átt.

 

Talað til útgerðar eins og glæpamanna

Athugasemdir

[corvus corax, 9.2.2011 kl. 15:04]

Þegar talað er til glæpamanna er talað eins og til glæpamanna ...skrýtið?

[Níels A. Ársælsson., 9.2.2011 kl. 15:50]

Pétur þessi þríhross vorra tíma er hvað frægastur fyrir að hafa stolið 33% af öllum keilu og löngu kvóta íslendinga á einu bretti.

Ef einhver nennir að kynna sér málið þá getur viðkomandi séð myndband þar sem Ólafur Sigurðsson skipstjóri í Grindavík lýsir þjófnaðinum.

www.kvotasvindl.blog.is