Vonandi verða Sovétríkin endurreist

Það er óskandi að Pútín karl í Rússlandi hafa einbeittar fyrirætlanir á prjónunum um að endurreisa Sovétríkin. Það er öllum hugsandi mönnum ljóst, að tilraunin með að leggja Sovétríkin og Austurblokkina niður hefur gjörsamlega mistekist. Árangurinn af þeirri vanhugsuðu tilraun sullaðist óskipt ofaní óseðjandi belginn á heimsvaldasinnum hinna kapítalísku vesturvelda og glæpasamtaka á þeirra vegum. Og við skulum ekki ganga því gruflandi, að undir helgislepjulegu yfirbragði hins útþenslusjúka og arðrænandi kapítalisma í vestri vappa fasismi og nasismi, ásamt óaðskiljanlegri ofsagræðgi og mannfyrirlitningu, um eins og forynjur, tilbúnar að skríða fram í dagljósið við hentug tækifæri.

Vonandi er eitthvað til í því, að Pútín hafi í hyggju að endurreisa Sovétríkin. Ef það er rétt, þá vonumst við eindregið til þess að honum takist það. Þá getum við sagt: haf þú þökk fyrir félagi Pútín.

En svo kann raunveruleikinn að vera allt annar, því lygavaðall valdaræningjanna í Úkraínu og heimsvaldasinna á Vesturlöndum hefir aldrei riðið við einteyming.

Vilji endurreisa Sovétríkin

Athugasemdir

[Ásgrímur Hartmannsson, 3.9.2014 kl. 19:59]

Tilraun?

Sovétríkin fóru einfaldlega á hausinn. Þannig endaði það. Þannig fer alltaf fyrir öllum sósíalískum ríkjum.

[Jóhannes Ragnarsson, 3.9.2014 kl. 20:16]

Þvættingurinn í þér, Ásgrímur, bendir eindregið til að þú sért illa heilaþveginn af morgunblaðslærdómi. En þú getur ekkert að því gert, úr því sem komið er.

[Óskar Helgi Helgason (IP-tala skráð) 3.9.2014 kl. 20:33]

Sæll Jóhannes fornvinur - sem og aðrir gestir þínir !

Jóhannes !

Vonandi - verða Sovétríkin ALDREI endurreist !

Eitthvert mesta stórslys: Hernaðar- og stjórnmálasögu Asíu og Evrópu / VAR tilurð illyrma ríkis Leníns og Stalíns - einhverra MESTU BÖLVALDA seinni tíma sögu beitningameistari kæni.

V.V. Pútín: á að hafa alla burði til / að endurreisa forna frægð Garðaríkis Rúriks Hersis (862 - 879): og þar með viðhald Austur- Rómverska ríkisins - en Rússar tóku við merkjum þess / við fall Konstantínópel í Maí 1453 - eins: og menn muna !

Ásgrímur !

O - Kapítalízku blóðsuguríkin: geta nú átt það til að fara á hvolf einnig / og hafa gert: og fáum harmdauði hvítflibba- og blúndukerlinga stjórnarhættir þeirra: Ásgrímur minn.

Með beztu kveðjum sem endranær - af Suðurlandi /

[Ásgrímur Hartmannsson, 3.9.2014 kl. 22:32]

Jóhannes, ekki bendla mig við moggann, þú ættir ekki að borða svona mikið af sveppum, þú hefur augljóslega ekki gott af því.

Þannig verða menn vinstri-grænir, sjáðu til.

En... of seint...

Pútín held ég endurreisi ekkert sovét. Hann var viðstaddur það, og veit vel hvernig það var. Sem er einmitt ástæða þess að hann endurreisir það ekki.

Ég hef líka meiri trú á gáfum hans en svo að ég haldi að hann ætli að starta einhverri heimstyrrjöld. Vegna þess, aftur: hann var viðstaddur sovétið, og veit hvaða tjóni það olli Rússlandi, og er enn að valda.

Sósíalismi er svo mannskemmandi, að tjónið sem hann veldur lagast ekkert á einum mannsaldri.

[Jóhannes Ragnarsson, 4.9.2014 kl. 08:24]

Ussusussu, Ásgrímur, láttu ekki svona maður. Fjöldinn allur af rússum eru ófeimnir að vitna um, að lífið í Sovét var mikið betra og samfélagsvænna en eftir að stjórnvöld leyfðu glæpavæðingu og kapítalisma. Það þarf því ekki að undrast þótt Pútín hugleiði hvort ekki sé affarasælast að endurreisa Sovétríkin.

En ég fer ekki ofan af því, Ásgrímur, að þú hefir beðið hugarfarslegt stórtjón af morgunblaðslærdómi, hvort sem þú gerir þér grein fyrir því eða ekki.