Ógæfumönnunum er alls varnað

Alveg er þetta hræðileg niðurstaða í kjöri á íþróttamanni ársins. Sú sorglega staðreynd blasir við, að ógæfumönnunum sem mega kjósa í þessu kjöri, er alls varnað, þeir eru það sem kallað er á fagmáli: úti að skíta. Megi þeir laugast í Hans blessaða blóði og verða að réttlátum og fullorðnum mönnum.

Já, það er hryllilegt að álappalegur og uppásnúinn krangi af karlkyni skuli vera kosinn íþróttamaður ársins og hafa ekkert til þess unnið annað en að skaprauna sönnum íþróttaaðdáendum. Allt eins hefðu þeir getað gert gömlu geðvondu stórreykingakellinguna á Grund að íþróttamanni ársins.

Nú leggjum við til, að öllum þessum íþróttafréttaköllum verði stampað, afhentir gjöreyðingardeild Sorpu til vinnslu. Þegar það verður frá, viljum við að konur, fémínískar valkyrjur með blóð á tönnunum, verði framvegis látnar sjá um kjör íþróttamanns ársins á Íslandi svo að við verðum okkur ekki meira til stórskammar í alþjóðlegu íþróttasamhengi.

Auðvitað hefði bilaða íþróttakosningaklíkan átt að kjósa Hjalta Úrsus íþróttamann ársins. Hún hefði átt það svo sannarlega skilð.

Jón Arnór íþróttamaður ársins