Skaut hann eins og rottu

Einhverju sinni orkti hirðskáld Flokkseigendafélgs Alþýðubandalagsins sáluga, sem síðar varð að Flokkseigendafélags VG, ótútlegur náungi og slóttugur, ferskeytlu til háðungar félaga Ólafi Ragnari Grímssyni, sem flokkseigendur hötuðu einlægu og óbrjótanlegu hatri. Kviðlingurinn mæltist sem vonlegt var fjarska vel fyrir á heimilum flokkseigenda, sem gerðu hann að opinberri morgunbæn og kvöldbæn fjölskyldna sinna sem og þjóðsöng þeirra. Umræddur kveðandisstubbur hirðskálsins ótútlega er svo hljóðandi:

Úti í snjónum flokkur frýs, 
fána sviptur rauðum.
Ólafur Ragnar  Grímsson grís
gekk af honum dauðum.

En nú er sem sé komið á daginn, félagi Ólafur Ragnar á enga sök á meintu andláti umrædds flokks, heldur er nú upplýst að þistilfjarðarundrið, Steingrímu J. Sigfússon, leyguþý auðvaldsins og Flokkseigendafélags VG, myrti flokk hinna rauðu sósíalista eins og hvur annar launmorðingi að beiðni flokkseigenda og kröfuhafa föllnu bankanna. Og hjóðar nú bæn hirðskáldsins í lauslegri þýðingu á þessa leið:

Úti í snjónum flokkur frýs, 
færður var hann Skottu.
Sköllótti kallinn Skalladís
skaut hann eins og rottu.

Bera Steingrím þungum sökum