Hver er munurinn hlandvotum útigangsmanni og útmígnum höfðingja í Armani jakkafötum?

Gaman að sjá hvað hugsuðurinn Logi Bergmann leggur fallega rækt við áfengisdýrkunina. Hann drekkur ekki bragðvond vín, ónei: hann þambar í sig pantaðan ,,Reyka-volka", sem er hristingur úr tréspíritusi og olíu. Af þessum snjalla volka, sem Logi pantar á netinu og hann fær í höndurnar á útidyratröppunum heima hjá sér eftir að hafa fyrst verið sendur úr landi og síðan aftur heim, verður hann voða fullur og lognast að síðustu útaf í gubbupolli. Þetta er kalla jakkafataspjátrungar á Íslandi að skemmta sér.

Og lauslega minnist stórmennið Logi Bergmann á þann möguleika, að unglingur tæki fyrir mistök við póstsendum Reyka-volka og drykki sig samstundis í rot af þeim andskota. Jú, Loga finnst það bara allt í lagi, af því hann vorkenndi illa klæddum unglingum sem biðu við hornið á Ríkinu í gamla daga og voru að snudda eftir að fá einhvern til að kaupa fyrir sig ódýrasta vínið, sem var áreiðanlega mjög bragðvond og brenndi innan hálsinn á börnunum. Bragðvondu vínin hafa trúlega verið ákavítiskrypplingur eða annar krypplingur af brennivínskyni og framleidd af ljótum, skítugum köllum í einhverri rottuholu vestur á Granda. Þá er nú mundur að gæða sér á eðal Reyka-volka, sem samanstendur af tréspíra og olíu, eins og áður sagði.

Þó að mikill munur sé á pöntuðum hristingi úr tréspíritusi og olíu annars vegar og íslensku ákavíti og brennivíni í krypplingsflöskum hinsvegar, að mati efrimillistéttarlogans,þá getum við verið viss um, að það verður aunginn munur á þessum veigum þegar Logi pissar þeim. Eða hver er munurinn á hlandvotum strætisróna, sem mígið hefir í sig, og jakkafataklæddum tækifærisfyllirafti, sem líka hefir mígið í sig? Eini munurinn er að sá fyrrnefndi hefir vætt óhreinu rónabuxurnar sínar, en hinn síðarnefndi hefir gert óþokkabragð úr ellefta boðorðinu og mígið í Armanibuxurnar, sem kostuðu morð fjár.

Unglingurinn í ríkinu