Viðurlög við glæp og fólskuleg árás óðrar griðku á sér betra fólk

Vér veltum nú mjök fyrir oss hvur viðurlögin eru við glæp, sem heyrir undir brot á siðareglum Alþingis. Eitthvað virðist á reiki varðandi refsingar við glæpaverknaði af þessu tagi, en fróðir lögspekingar og stjórnmálafræðingar eru þó á einu máli um að þeir sem verða berir að broti á umræddum siðareglum megi búa sig undir gálga eða höggstokk, jafnvel hjól og steglu. Það er nefnilega ekkert gamanmála að rata í ógöngur alþingislegra siðferðisbrota og þeir er verða dæmdir sannir að sök fyrir í þeim efnum eiga í vændum að vera þuklaðir með einhverju örðu en silkihönskum.

Hvurnig haldið þér, góðu vinir, að SigIngi tæki því ef menn frá Hálfdáni Varðstjóra mundu mæta árla morguns á heimili hans og draga hann út á hornunum eins og sauðnaut eða rollutruntu og mismuna honum upp á pall vörubifreiðar sem æki beint með hann á fund Varðstjórans, sem mundi vissulega ekki gjöra neinar gælur við kauða? En við þvílíku mega stjórnmálaraftar, sem fallið hafa í synd, eiga von á fyrir óguðlega framkomu sína. En skömmu eftir fáheyrða atlögu SigInga að drottningu bændafélagsins gjörði annar dóni sér lítið fyrir og mé á húsvegg Héraðsdóms Reykjavíkur með þeim afleiðingum að sá hluti dómsveggins sem varð fyrir þvagi illmennisins grotnaði niður. Enn hefir ekki verið staðfest að ódæðismaðurinn sé þingmaður eða ráðherra þó svo ólíklegt sé að aðrir menn fremji annað eins skemmdarverk.

Ofan á annað ólán hefir það síðan gjörst, að ágætasta griðkona gömlu géðbiluðu Framsóknarmaddömunnar hefir veist að Bjarnaben, og þá um leið að Katrínu Jakkó, með andstyggilegum dylgjum í sambandi við síðasta bankarán. Þessi fólskulega og óvænta árás griðkonunnar hefir strax gjört það að verkum, að kalla varð Gottfreð Gottfreðsson á vettvang til að sprauta frú Jakkó niður af því að hún hafði yfirhitnað og brunnið yfir af skelfingu. Bjarniben er farinn í felur; talið er að hann hafi skriðið niður í kjallara á einhverju hreysi á Akureyri í dag og er hann ekki væntanlegur út þaðan aftur. Í þessum töluðum orðum bíða ráðsmaður Framsóknarfjóssins, húskarlar og griðkur, eftir skipun frá gömlu Maddömunni um að hefja allsherjar kjarnorkustríð gegn eðjótum Íhalds og Hreyfingarinnar Framboðs í ríkisstjórninni og hrinda á róttækan hátt ríkisstjórn Kattahrinar Jakkó fyrir ætternisstapa.

Sigurður Ingi kærður fyrir brot á siðareglum