Valdatvíburar ný-frjálshyggjumanna með harðlífi.

Pólland er ekki eina landið í veröldinni sem hefur haft tvíbura sem helstu forystumenn þjóðarinnr á síðustu árum. Á Íslandi bjuggum við til skamms tíma við þau ókjör og hneisu í rúman áratug að hafa tvíbura í æðstu valdastöðum landsstjórnarinnar. Öllum sæmilega greindum mönnum ber saman um að það tvíeyki sé eitthvert skelfilegasta par sem riðið hefur húsum í stjórnarráðinu frá því það var reist á sínum tíma sem tugthús. Þeir einu sem láta sér til hugar koma a bera blak af þessum Íslensku valdatvíburum, sem nú eru blessunarlega horfnir á braut, eru einna helst veruleikafirrtir ný-frjálshyggjumenn með pólitískt harðlífi og króníska þráhyggju. Fólkið sem nú fer með húsráð í stjórnarráðinu eru aftur á móti einhverjar orðlögðustu leiðindaskjóður sem um getur á valdastólum í norðanverðri Evrópu og er þá mikið sagt. Þá var nú öldin önnur þegar sá nafntogaði Arnes Pálsson var skipaður í embætti í því húsi sem nú geymir stjórnarráð Íslenska lýðveldisins. 

Boðað til skyndikosninga í Póllandi

Athugasemdir

[Árni Gunnarsson, 7.9.2007 kl. 22:34]

Frá þeim áminnsta dáindismanni Arnesi segir svo m.a. í Öldinni átjándu í umkvörtunarbréfi vistmanna Arnarhóls um störf Arnesar:

-.....Guðrúnu Jónsdóttur hefur hann kallað helvítis lagadækju og bölvaða flagmeri. Þoretein helvízkan skelmi og lygara. Rannveigu helvízka hórudrottningu og svo fleira og fleira. Eins líka erum allan tíð dauðliga hrædd, að muni drepa oss með hnífnum eftir sjálfs hans hótunum, þá oss er skipað í verklag með honum......Nú hefur stiftamtmaður skipað tugthúsráðsmanninum að rannsaka kærur fanganna og berja Arnes svo að um muni, ef þær reynast á rökum reistar.

Eftir nútímastjórnsýslu á Íslandi hefði afgreiðsla þessa máls orðið sú að ekki væri ástæða til uppsagnar. í samráði við Arnes yrði farið yfir alla þætti málsins og af því dreginn lærdómur.

[Ásthildur Cesil Þórðardóttir, 8.9.2007 kl. 01:15]