Lét kné fylgja kviði og gerði sig örlætislega í framan

Það er ekki ónýtt fyrir Hönnu Birnu hreppsstjóra, að fá að úthluta eins og jólasveinn, styrkjum uppá 9 milljooonir úr einhverjum sjóði, sem íbúar Reykjavíkur eiga. Og Hanna Birna lét kné fylgja kviði, kallaði myndasmiði fjölmiðlana á staðinn, gerði sig örlætislega í framan, eins og hún væri að gefa aurana úr eigin vasa, og lét þá mynda sig þannig, svo fólkið í landinu gæti séð svart á hvítu hvað hún er góðgjarn hreppsstjóri. Ekki veit ég fyrir víst hvar Hanna Birna lært svona fallegt vinsældartrix, en þó minnist ég þess, að hún vann um skeið baki brotnu með dáindismanninum Kjartani Gunnarssyni á skrifstofu Sjálfstæðisflokksins. Eflaust hefur hún numið margt göfugt og fallegt í þeirri vist, sem kemur henni nú til góða. 

Borgin úthlutar úr forvarnasjóði

Athugasemdir

[Níels A. Ársælsson., 19.12.2009 kl. 11:33]

John D. Rockefeller mest hataðasti óþokki Bandaríkjanna um aldamótin 1900, gekk um með gljáandi smápeninga upp á vasann í hvert sinn er hann kom fram opinberlega og gaf fátækum smákrökkum.

Með þessum aðferðum tókst John D. að hreinsa mannorð sitt í augum almennings og fékk smám saman orð á sig fyrir að vera göfugt og barngott gamalmenni.

[Baldur Hermannsson, 19.12.2009 kl. 13:33]

Örlætistrixin læra stjórnmálamenn af Jóhönnu Sigurðardóttur en ekki Rockefeller, því hann gaf af sínum eigin sjóðum.