Líf og fjör á landsbyggðinni

Það liggur svosem ljóst fyrir að konugarminum gekk það eitt til að skemmta sér og vinum sínum vel og vandlega. Reyndar skiptir mestu máli með hverju konan grýtti starfmennina að Húsafelli því ef hún hefur snarað mjög stórum steinum í hausinn á þeim hefur vissulega verið hætta á ferðum. Öllu sorglegra var þó með ölvaða manninn sem týndi bústað sínum. Þessháttar ógæfa er eins og að lenda í hafvillu í aftakaveðri og stórhríð á leku fúahripi þar sem öll siglingartæki eru óvirk. Það sem merkilegast er í tilviki ölvaða mannsins er sú staðreynd að hann hafði aðeins drukkið einn bjór af tegundinni Carlsberg, 4.5.% að alkóhól styrkleika.

Gekk berserksgang í Húsafelli

Af stakri natni og enn meira mannviti

Það er ekki ofsögum sagt að suðurnesjamenn í svokölluðum ,,Reyjanesbæ" séu stórhuga þegar kemur að verklegum framkvæmdum og frjálsræði. Enda er svo komið að nefndur ,,Reyjanesbær" er til mikillar fyrirmyndar í einu og öllu er lýtur að frjálshyggju og fögrum dyggðum þar sem sá veleðla frjálshyggjuskörungur Árni Sigfússon, frændi Árna þingskörungs úr Eyjum, fer fyrir sínu fólki af stakri natni og enn meira mannviti. Það skýtur því sannarlega skökku við, að þegar frjálsborinn reyknesingur heiðrar samborgara sinn með því að hafa hægðir um hánótt í garði hans skuli vera handtekinn af lögreglu og vistaður í fangageymslu. Þessar aðfarir eru sérlega einkennilegar í ljósi þess að gráðugustu frjálshyggjumenn þjóðarinnar kúkuðu yfir gjörvalla þjóð sína, skitu hana svo gott sem í bólakaf, án þess að þurfa að sæta gistingu í fangaklefa fyrir vikið.

Það er einhver fjandinn í systeminu sem virkar ekki ... 

Hafði hægðir í húsagarði

Hefnist þeim er svíkur ...

,,Hefnist þeim er svíkur sína huldumey,

honum verður erfiður dauðinn" ... 

Erfitt mál fyrir VG

Örlögin fóru Valhallarvillt og því fór sem fór

Nú hafa örlögin heldur betur tekið skakkan pól í hæðina; farið Valhallarvillt ef svo má segja. Það er alveg öruggt að þeir sem stjórna örlögunum hafa ætlað þeim að brenna auðvaldsgrenið í Reykjavík, sem sjálfstæðismenn af meðfæddum fávitaskap sínum gáfu nafnið Valhöll, til kaldra kola, svona rétt til að benda varúlfunum í Sjálfstæðisflokknum að stjórnendur æðri heima hafi bæði óbeit og sömm á þeim. En örlögin hafa sennilega verið á fylliríi, villst af leið og kveikt í gömlu Valhöll á Þingvöllum í misgripum fyrir græðgisgrenið að Háaleitisbraut 1. í Reykjavík. 

Skíðlogar í Valhöll á Þingvöllum

Alsaklaus frjálshyggjufrömuður fellur fyrir björg

Þeir falla nú hver á fætur öðrum fyrir ómennskubjörg frjálshyggjunnar hinir miklu græðgistrúboðar Sjálfstæðisflokksins. Nægir þar að nefna Davíð Oddsson, Gjeir Haaardý, Siggikári og Hannes Hólmsteinn, svo einhverjir séu nefndir. Og í dag steyptist einn argvítugast frjálshyggjusteggurinn, Þór Sigfússon hinn alsaklausi, fram af brúninni og verður eflaust í endalausu leyfi héðan í frá. Nú gera réttlætisunnendur sér vonir um að bróðir frjálshyggjursteggsins Þórs, Árni einkavæðingrdólgur, sem fengið hefur að búverka í Reykjanesbæ undanfarin ár, sé næstur í röðinni á frjálshyggjusorphauginn þar sem hann mun hitta fyrir félagsskap sem honum er boðlegur.

Formaður SA í ótímabundið leyfi

Iðrast ekki voðaverka samtakanna

Það að Bjarni Ben, formaður glæpasamtakanna sem í daglegu tali gengur undir heitinu Sjálfstæðisflokkur, skuli krefja Össur Skarphéðinsson um afsökunarbeiðni útaf einhverju ómerkilegu pappírsræxni, sýnir svo ekki verður um villst, að Bjarna og hans meðreiðarstömpum á Alþingi er gjörsamlega fyrirmunað að sýna minnsta vott af iðrun, hvað þá að skammast sín eins og þeim ber að gera eftir þau voðaverk sem Sjálfstæðisflokkurinn hefur framið síðustu tvo áratugi og komið hafa þjóðinni í svo stórbrotinn vanda að óhægt er um vik að sjá framúr þeim ósköpum.

En því miður virðast hin hættulegu samtök auðvaldsins hér á landi upp til hópa skipuð fólki sem varla er hægt að telja nema í hæsta lagi hálfsiðaða villimenn. Að minnsta kosti hvarflar ekki að þessu liði að upplýsa þjóð sína um öll leyniskjölin og baktjaldamakkið sem það hefur á samviskunni og varða efnahagshrunið mikla sem hlaust af stjórnarstefnu Sjálfstæðisflokksins á frjálshyggjuárunum.

Fór fram á afsökunarbeiðni

Ljóti karlinn og undarlegur halavöxtur

Þrátt fyrir gullkistu og miklar dýrðir á opiberri minningarathöfn er enganveginn víst að slíkar seremóníur bjargi hinum burtsofnaða Mikael Jackson frá því að lenda í ævarandi vist hjá Ljóta Karlinum í Neðra. Sagt er að Mikael hafi farið að vaxa hali fyrir um það bil 10 árum síðan en þennan hala skáru læknar öskurapans af jafnóðum og hann óx. Þessi merkilegi halavöxtur er sagður ótvírætt merki þess að Ljóti Karlinn hafi fyrir löngu tekið veð, sem ekki var hægt að aflétta, í Mikael ræflinum.

Mikið um dýrðir á minningarathöfninni

Frygðarhlaup Íslensku Lýðveldissamtakanna er líka í gangi - kynnið ykkur það

Ekki það að sanntrúaðir aðdáendur Davíðs og Halldórs, sem gerðu Ísland að sérlegum stuðningsaðila að stríðsrekstri Georgs Bush í Írak, hafi ekki gott af því að vappa örlítinn spotta af friðarhlaupi, þá færi samt betur á að umræddir stíðsæsingarmenn héldu af og til sitt eigið stríðshlaup þar sem enginn sæi til.

Annars er svona friðahlaup ekkert til að tala um því annað hlaup og mun merkilegra er hlaupið rangsælis hringinn i kringum landið um þessar mundir.

Þann 20. júní síðast liðinn, hófst frygðarhlaup Íslensku Lýðveldissamtakanna. Það mun hafa verið hálfdrukkinn varaborgarfulltrúi Sjálfstæðisflokksins sem setti frygðarhlaupið fyrir framan höfuðstöðvar Gamla Landsbankans sáluga, en hinn víðfrægi kvennamaður, Ólafur S. Guðbrands hljóp með kyndilinn fyrstu 1000 metrana en þar tók ungfrú Ludmila Grimm við og skokkaði uppað Litlu Kaffistofunni. Ekki hefur frygðarhlaupið þó gengið áfallalaust fyrir sig því að í Skagafirði rak framsóknarkynjaður sveitarstjórnarmaður kyndilinn í höfuðið á sér svo að hárið á honum stóð á skammri stund í björtu báli. Sveitarstjórnarmaðurinn bjargaði því sem bjargað varð með því að stinga sér á hausinn utan í nærliggjandimoldarbarð og tóks þannig að slökkva í sér.

Frygðarhlaupinu mun síðan ljúka síðar í sumar á hlaðinu fyrir framan menningarsetrið Gullfingur í Kópavogi.

Friðarhlaup um Ísland hálfnað

Hvenær verður gerð húsleit í Valhöll?

Fyrst sérstakur saksóknari er kominn í óstöðvandi húsleitarham, og er auk þess í sérstöku fantaformi, er varla langt að bíða að hann fari með her manns til leitar í Valhöllu, félgasmiðstöðvargreni ræningjaflokksins sem kennir sig við ,,sjálfstæði." Það er hverjum manni auðsjánlegt, að það verður að rannsaka tengsl hinn harðsvíruðu auðvaldssamtaka, sem í daglegu tali ganga undir nafninu Sjálfstæðisflokkur, við sína menn í atvinnulífi og viðskiptum, brennuvargana miklu sem skildu allt eftir í kaldakoli en eru samt óþreytandi við að lýsa yfir sakleysi sínu uppí opið geðið á illa sviknum landsins lýð.

Umsvif aukast

Útför Lappa heitins

Vel man ég þegar Lappi heitinn hans Jóns á Hóli var jarðsunginn. Um þær mundir var þokkaleg tíð, a.m.k. rigndi ekki meðan athöfnin fór fram. Ekki var þetta útför að hætti Votta Jehóva því að það var séra Atgeir p. Fjallabakssen sem jarðsöng og hann var, ekki svo ég man, neinn helvískur Jehóvi. Í minningarorðum sínum yfir hinum látna lagði séra Atgeir p. útaf boðorði Drottins: Þú skalt ekki morð fremja. Mæltist honum á þá leið að Lappa heitnum hefði verið nær að bíta ekki höfuðið af kjölturakka nágranna síns því að þá hefði eigandi kjölturakkans ekki skotið hann með riffli af 150 metra færi.

Að útför lokinni var ekið með kistu Lappa að íþróttahúsinu við Sóltungu þar sem konur, börn og gamalmenni gátu vottað hinum látna virðingu sína. Lappi var síðan grafinn utangarðs sunnan við kirkjugarðinn á staðnum þar eð ekki þótti viðeigandi að láta morðingja hvíla í vígðri mold.

Útför Jackson hafin