Ekki treystandi fremur en minkum fyrir hænsnabúi

Eitt er víst og það er það, að Gylfa Arnbjörnssyni, og hans útkynjaða yfirséttarslekti, er ekki treystandi fyrir hagsmunamálum verkafólks fremur en minkum fyrir hæsnahópi. Að þessir auðvirðilegu fylgihnettir frjálshyggjunnar og útrásarmaníunnar skuli hafa umboð til að ráðskast hagsmunamál alþýðunnar hljóma í mínum eyrum eins og groddaleg helgispjöll. Það er orðið mjög aðkallandi að verkalýðshreyfingin beri gæfu til að frelsa sjálfa sig  undan oki skrifstofusjakalana sem fengið hafa að ráðskast með samtök launafólks á almennum markaði allt of lengi.  

Stöðugleikasáttmáli í smíðum

Frú Merkel er sauðnaut að viti

Bjöllusauðnum og auðvaldsþýinu frú Merkel munar aldeilis ekki um að spinna upp lygasögur þess efnis að henni hafi verið boðið að starfa fyrir leyniþjónustuna Stasi. Auðvitað kom aldrei til greina að ráða Merkelkerlinguna til starf hjá Stasi sökum slaks gáfnafars hennar. Hinsvegar hefur ekki staðið í þýskum auðvaldsseggjum að brúka frú Merkel þrátt fyrir að hún sé sauðnaut að viti enda vita umræddir auðvaldsdólgar af gamalli reynslu, að fíflinu skal á foraðið etja.

Hitt er mun sennilegra, að núverandi ríkiskanslari Þýskalands hafi sjálf sótt um vinnu hjá Stasi, en verið hafnað af greindarskortssökum, og það sé ásæðan fyrir fábjánalegum lygum hennar um að henni hafi verið boðið að gerast starfsmaður Stasi. 

Stasi reyndi að fá Merkel til liðs við sig

Sjálfvirk og mjúk ríkisvæðing í boði Davíðs og Hannesar

Útaf fyrir sig er það hið besta mál að bankarnir og einhver slæðingur af fyrirtækjum séu komin í ríkiseigu. Hinsvegar er það stórkostlega hlægilegt að það skuli hafa verið hin gráðugu frjáshyggjuöfl með Davíð Oddsson og Hannes Hólmtein Gissurarson í broddi fylkingar sem lögðu grundvöllinn svo glæsilega að ríkisvæðingunni eins og raun ber vitni. En hvað um það, þá auðveldar svona sjálfvirk og mjúk ríkisvæðing að koma á þokkalegum sósíalisma, standi hugur ráðamanna til þess.

Fjöldi fyrirtækja í ríkiseigu

Og leggist maður með karlmanni sem kona væri ...

Ætli karldjöfullinn Dónald Rumsfeld, eftirlæti íslenskra ,,sjálfstæðismanna" hafi ekki mætt á fund til Bush vinar síns með mynd af samkynhneygðum karlmanni, sem hafði verið misþyrmt til ólífis vegna kynhneigðar sinnar, og undir myndinni hafi staðið eftirfarandi texti, feitletraður: ,,,Og leggist maður með karlmanni sem kona væri, þá fremja þeir báðir viðurstyggð. Þeir skulu líflátnir verða, blóðsök hvílir á þeim"? (Þriðja Mósebók 20. kafli, 13 vers.)

Rumsfeld vitnaði í Biblíuna

Þökk sé blessuðu FramsóknarÍhaldinu

Mikið held ég fólk sé þakklátt sjónhverfingafjárglæframönnum hinna illræmdu auðvaldssamtaka Sjálfstæðisflokks og Framsóknar. Árum saman drógu þessi samtök almenning áfram á asnaeyrunum með innistæðulausu og glæpsamlegu peningahyggjubrölti. Þessi rakalausu umsvif kallaði auðvaldslýðurinn, af sinni ísmeygilegu smekkvísi, góðæri. Hækkun á matvöru um 25% síðustu 12 mánuði er einn af mörgum sköttum sem gusast hafa yfir launafólk úr hlandkoppum auðvaldsins uppá síðkastið. Og að hátt í 40% landsmanna skuli hafa greitt glæpasamtökum Íhalds og Framsóknar atkvæði sitt í síðustu kosningum er ljótur vitnisburður um afburða fávísi og heimsku íslensku þjóðarinnar.

Matarverð hefur hækkað um 25%

Arðránstækið Auður Capítal

Kapítalismi er kapítalismi hvort sem honum er stjórnað af kéllíngum eða köllum. Auður Capítal er einungis auðvaldsfyrirtæki sem hugsar bara um hámarksgróða, enda er það eðli auðvaldsins. Þær Halla Tómásdóttir og Kristín Pétursdóttir eru sannfærðar um að aðkoma kvenna að fjármálageiranum geti aðeins verið til góðs og auki ,,heilbrigði" hans. Nú er þar til að taka að kapítalismi með tilheyrandi arðráni og skepnuskap getur aldrei orðið heilbrigður; að halda slíku fram ber annaðhvort vott um fávísi eða ósvífni, nema hvorttveggja sé. Kvennakapítalismi er fyrst og fremst ætlaður til brúkunar af efri-millistéttar- og yfirstéttarfémínístum til einkagróða með því að arðræna annað fólk.

 

 

 

Kvenleg gildi til bjargar

Aðför að duglegum sómamanni

Ekki trúi ég því að uppi séu hugmyndir um að ríkisvæða hinn dyggðum prýdda og gifturíka sómann, Finn Ingólfsson. Ef einhver lagði gjörfa hönd á hina vel heppnuðu einkavæðingu, sem fram fór undir ógnarstjórn alræðis auðvaldsins, var það Finnur Ingólfsson; vakinn og sofinn vann hann hörðum höndum í gegnum Framsóknarflokkinn of Samvinuhreyfinguna að því komast í hóp auðugustu manna landsins. Það yrði dapurlegur endir á farsælum ferli Finns Ingólfssonar og dugnaði, að verða þjóðnýttur og settur í ríkisrekstur eins og hvert annað almenningssalerni.

Bréfin tekin af Nausti og Mætti

Og norsarar fagna sínum sauðdrukkna Rýbaki

Ójá, þrjúþúsund norsarar tóku á móti Alexandri Rýbaki þegar hann skjögraði nær fótavistarlaus útúr flugvél á Garðamóaaflugvelli í kvöld þegar hann kom úr sinni velheppnuðu fylliríisreisu til Moskvu. Að sögn sjónarvotta var krakkaskrattinn illa til reika, líkastur fressketti sem ekki ekki hefur komið heim til sín i tvo mánuðu, útlifaður af brenndum drykkjum og portkvennaslarki. Á svona tittum hafa norðmenn mestar mætur, enda skyldir íslendingum í beinan karllegg.

Þúsundir fögnuðu Rybak

Drukkinn norskur hvítrússi hjalar yfir vodkaglasi

Sá var laglega rorrandi moldfullur blessaður norsk/hvítrússneski fiðlustrákurinn Alexander Rýbakur á blaðamannafundinum í Moskvu eftir að hafa unnið menningarviðburðinn júrúvísjón. Hann var svo mold- þreifandi-blindfullur að hann lét útúr sér að hann hefði greitt íslenska laginu atkvæði ef hann hefði getað. Fyrr má nú vera andskotans drykkjurausið!

Það er illa gert af blaðamönnum að taka viðtöl við drukkin ungmenni og birta þau almenningi eins og þau koma af skepnunni.

Ég hefði kosið Ísland

Ólæti á Austurvelli

Enn á ný hafa blossað upp ólæti á Austurvelli, í þetta sinn útaf bragðlausu nágóli sem fámennur hópur íslendinga orgaði yfir rússum í gærkvöldi. Á Austurvelli í dag krafðist fólk þess að íslendingar leggi af ókurteisi á erlendri grund, líka því er rússar máttu þola af íslendingum undir miðnætti í gær. Íslendingar eiga um sárt að binda þessi misserin vegna umsvifa íslenskra bleyjubarna erlendis síðustu ár. Það er því ekki nema eðlilegt að þjóðin hafi risið upp í veðurblíðunni á Austurvelli í dag til að afhrópa síðasta framlag útrásarbleyjubarna, öskur þeirra og óhljóð yfir saklausu fólki austur í Moskvuborg.

Eftirmáli: Ég gleymdi að geta þess að fólkið á Austurvelli í dag krafist þess eindregið, að forseti Íslands, forsætisráðherra og utanríkisráðherra biðji rússnesku þjóðina opinberlega fyrirgefningar á hávaðanum, öskrunum og nágólinu í íslenska júrúvíjónstóðinu í  Moskvu.

Evróvisjón á Austurvelli