Fáum félaga Chavez og félaga Fídel í lið með okkur

Ósköp er það virðingarvert hjá félaga Ólafi Ragari, að reka óþrifnaðarfyrirbærinu Fitch Ratings svona helvíti laglegt högg fyrir nasirnar. Miðað við fyrri lánsgreiningar þessa ósvífna auðvaldsverkfæris, er ljóst að enginn ætti að taka mark á því sem frá því kemur. Þessir drullubrasarar hjá Fitch létu sér ekki muna um að gefa íslensku bönkunum hæstu einkun allt fram til þess dags að þeir lágu dauðir í svaðinu og eigendur þeirra stokknir í felur eftir vel heppnuð glæpaverk. Svo kemur Fitch-glæpagengið eins og ekkert hafi í skorist og telur sig þess umkomið að fleygja Íslandi og íslenskri þjóð í einhverja ruslatunnu eða fjóshaug þegar skjólstæðingar þeirra, bjöggar, siggar, jónásgeirar og bjarnar gömlu bankanna hafa verið gerðir útlægir af Íslandi.

Það er vonandi að félagi Ólafur Ragnar haldi sínu striki gagnvart glæpalýðnum hérlendis og erlendis. Og best væri, að hann fengi félaga Hugo Chavez og félaga Fídel Castró í lið með sér til að berja á hinu samviskulausa auðvaldshyski.

Ólafur Ragnar gagnrýnir Fitch

Athugasemdir

[Jakob Þór Haraldsson, 8.1.2010 kl. 14:52]

Góður, Ólafur Ragnar er bara að benda á hversu lélegar stofnanir þetta eru - hann hefur vit á því að gefa þeim einn á lúðurinn. 

kv. Heilbrigð skynsemi (fun.blog.is)

[Guðmundur Ásgeirsson, 8.1.2010 kl. 15:11]

Fjármálakreppan er ofmati greiningarfyrirtækjanna að kenna. Ekki bara hér á Íslandi heldur á heimsvísu.