Leita í fréttum mbl.is

Bloggfærslur mánaðarins, mars 2008

Sátu tvö að tafli þar ...

MátSátu tvö að tafli þar,

taflsóvön í sóknum.

Aftur á bak og áfram var,

einum leikið hróknum.

 


mbl.is Tillaga um alþjóðlegt skáksetur
Tilkynna um óviðeigandi tengingu við frétt

Út í göturæsið með mygluðu sperrileggina

Það er alrangt að æpa að ,,ráðamönnum" bænakvaki um að þeir vakni. Fólk á að taka sig saman og henda þessum drómasjúku ,,ráðamönnum" og embættismannaelítu þeirra útá Guð og gaddinn og taka öll völd í sínar hendur. Það eru nefnilega allir búnir að fá yfir sig nóg af þessum mygluðu sperrileggjum.
mbl.is „Ráðamenn vakni"
Tilkynna um óviðeigandi tengingu við frétt

Samfylkingin hræðist VG

ulfur-i-saudarg_665314234Það leikur enginn vafi á, að almenn skíthræðsla hefur gripið um sig í þeirri auðvaldsdeild þjóðfélagsins sem gengur undir nafninu Samfylking. Skýrt merki um þennan dauðaskelk auðvaldsúlfanna í vinstri-sauðagærunum er yfirvarpsályktun flokksstjórnarfundar þeirra sem byggir á meiningarlausu óráðshjali um eitthvað sem pistlahöfundur mbl.is kallar ,,græn skilaboð flokksstjórnar" og gengur út á að meðan beðið er niðurstöðu rammaáætlunar um vernd og nýtingu náttúrusvæða verði ekki farið inn á óröskuð svæði. Þetta er vægast sagt undarlegt tal úr munni apparats, sem veit ekki sitt rjúkandi ráð í virkjunar- og stóriðjuframkvæmdum og starfar hörðum krumlum og klóm í ríkisstjórn með sjálfu Erki-Íhaldinu að undirbúningi álversframkvæmda í Helguvík og á Húsavík. Eða er Samfylkingin máske að gefa í skyn, að ef platan með stóriðjutregasveitinni verði ekki tafarlaust tekin af fóninum, slíti hún vistarbandinu við húsbónadan á Höfuðbólinu? Trúi því hver sem vill.

En þó eru samfylgkingarnaggarnir ekki svo skyni skroppir að þeim bjóði ekki í grun, að nú þegar sé farið að fjara illilega undan vinstri löppinni á þeim og stórhætta sé á að fylgið, sem þeir byggja pólitíska tilvist sína á, renni fyrirhafnarlítið yfir á VG, sem er þó, andskotinn hafi það, vinstriflokkur á aðra röndina. Af þeim sökum rjúka kafbátar og klækjarefir samfylkingarauðvaldsins upp til handa og fóta og láta flokksstjórnarfund sinn gera örvæntingarfulla tilraun til að veifa fölgrænni grein framaní félagshyggju- og umhverfissinnaða kjósendur til að freista þess að þeir lendi ekki allir sem einn hjá VG til frambúðar.

Svona einfalt er það nú.


mbl.is Græn skilaboð flokksstjórnar
Tilkynna um óviðeigandi tengingu við frétt

Auðvaldsskottið og samfylkingarrefirnir

Auðvaldssvín,,Í ræðu sinni á flokksstjórnarfundi Samfylkingarinnar sagði formaðurinn Ingibjörg Sólrún Gísladóttir að ríkisstjórnin hafi verið starfsöm og að unnið hafi verið að því að auka jöfnuð í íslensku samfélagi en vinna þyrfti bug á verðbólguvandanum og lækka tolla á innflutt matvæli."

Ja, heyra á endemi! Hvaða andskotans jöfnuður hefur aukist í þjóðfélaginu fyrir tilstilli auðvaldsstjórnar Gjeirs Haaarde og Ingibjargar Sólrúnar? Mér verður verulega íllt innan um mig þegar ég rek augun í hræsnisfullar staðhæfingar af þessu tagi. En mest vorkenni ég vesalings sakleysingjunum í Samfylkingunni sem kokgleypa innistæðulaust þvaðrið í foringjum sínum; standa jafnvel upp á fundum og klappa því lof ó lófa!

Svo gerist auðvaldsskottið á formannsstóli Samfylkingarinnar svo djarft að formæla því sem það kallar ,,klækjastjórnmál" rétt eins og samfylkingarrefirnir séu með öllu saklausir af þessháttar sóðaskap!!!!!  


mbl.is Erfiðar ákvarðanir framundan
Tilkynna um óviðeigandi tengingu við frétt

Þegar býður þjóðarsómi - björgum Hannesi ohf.

Hannes á horninu Það má heita auðvirðilegt tómstundagaman andlegra fátæklinga að láta um sig spyrjast, að þeir séu að velta sér uppúr smáskítslegum hégóma eins og gengi krónunnar og hrapi hlutabréfa, þegar önnur og hrikalegri vá steðjar að.

Nú liggur fyrir að hlutabréfið í okkar ástsæla ríkisrekna frjálshyggjumanni (Hanez Holmstone ohf.) hefur hrunið svo illilega að gjaldþrot, með ískyggilegum þjóðhagslegum afleiðingum, blasir við. Sem betur fer eru þó til menn sem skynja alvarleika málsins og hafa brugðist við með viðeigandi hætti, en samkvæmt frétt á dv.is er farin af stað fjársöfnun til stuðnings Hannesi Hólmsteini Gissurarsyni prófessor í skaðabótamálum sem Jón Ólafsson, vatnsútflytjandi, hefur höfðað gegn honum.

"Markmið söfnunarinnar er að styðja Hannes í erfiðum málaferlum erlendis, þar sem íslenskur auðmaður sækir fast að honum fyrir að hafa nýtt málfrelsi sitt á Íslandi," segir Friðbjörn Orri Ketilsson sem stendur fyrir söfnunninni.

Fjársöfnuninni er ekki síst ætlað að hjálpa Hannesi að greiða 3,1 milljóna króna bætur sem Hæstiréttur gerði honum að greiða Jóni fyrir tjón sem Friðbjörn Orri segir að allir viti að ekkert var.

Í tilkynningu um söfnunina segir að Hannes hafi í gegnum árin "barist af hörku fyrir frjálsu samfélagi í óþökk forsjárhyggjuafla og sameignarsinna." Þeir sem vilja leggja "þessum ötula baráttumanni lið" eru síðan beðnir um að leggja fé inn á bankareikning "sem nokkrir vinir Hannesar hafa opnað í Landsbanka Íslands."

Hjálparbeiðninni lýkur svo með þessum hvatningarorðum: "Sendum þeim sem að Hannesi sækja skýr skilaboð um að þeim muni ekki takast að þagga niður í honum með árásum á fjárhagslega afkomu hans."

Söfnunarreikningur Hannesar í Landsbankanum: 0101 - 05 - 271201. Kennitala: 131083 - 4089.

 


mbl.is Söfnun fyrir Hannes Hólmstein
Tilkynna um óviðeigandi tengingu við frétt

Björgum Hannesi ohf.

Hannes á horninuÞað má heita auðvirðilegt tómstundagaman andlegra fátæklinga að láta um sig spyrjast, að þeir séu að velta sér uppúr smáskítslegum hégóma eins og gengi krónunnar og hrapi hlutabréfa, þegar önnur og hrikalegri vá steðjar að.

Nú liggur fyrir að hlutabréfið í okkar ástsæla ríkisrekna frjálshyggjumanni (Hanez Holmstone ohf.) hefur hrunið svo illilega að gjaldþrot, með ískyggilegum þjóðhagslegum afleiðingum, blasir við. Sem betur fer eru þó til menn sem skynja alvarleika málsins og hafa brugðist við með viðeigandi hætti, en samkvæmt frétt á dv.is er farin af stað fjársöfnun til stuðnings Hannesi Hólmsteini Gissurarsyni prófessor í skaðabótamálum sem Jón Ólafsson, vatnsútflytjandi, hefur höfðað gegn honum.

"Markmið söfnunarinnar er að styðja Hannes í erfiðum málaferlum erlendis, þar sem íslenskur auðmaður sækir fast að honum fyrir að hafa nýtt málfrelsi sitt á Íslandi," segir Friðbjörn Orri Ketilsson sem stendur fyrir söfnunninni.

Fjársöfnuninni er ekki síst ætlað að hjálpa Hannesi að greiða 3,1 milljóna króna bætur sem Hæstiréttur gerði honum að greiða Jóni fyrir tjón sem Friðbjörn Orri segir að allir viti að ekkert var.

Í tilkynningu um söfnunina segir að Hannes hafi í gegnum árin "barist af hörku fyrir frjálsu samfélagi í óþökk forsjárhyggjuafla og sameignarsinna." Þeir sem vilja leggja "þessum ötula baráttumanni lið" eru síðan beðnir um að leggja fé inn á bankareikning "sem nokkrir vinir Hannesar hafa opnað í Landsbanka Íslands."

Hjálparbeiðninni lýkur svo með þessum hvatningarorðum: "Sendum þeim sem að Hannesi sækja skýr skilaboð um að þeim muni ekki takast að þagga niður í honum með árásum á fjárhagslega afkomu hans."

Söfnunarreikningur Hannesar í Landsbankanum: 0101 - 05 - 271201. Kennitala: 131083 - 4089.

 


mbl.is Seðlabankinn leggi gildru fyrir spákaupmennina?
Tilkynna um óviðeigandi tengingu við frétt

Afburða léleg frammistaða

Mikið ósköp var það klént af hálfu blessaðarar ,,um þrítugt" konunnar að ganga ekki harðar fram í að fá peninga afhenta, og var hún þó með hníf í hvorri hendi. Og hvern sjálfan andskotann var lögregluforsmánin að atast í konunni, fyrst afgreiðslufólkið í Select kom sér hjá að láta hana hafa aura með því að ljúga að henni, ,,að þarna væri enga peninga að hafa."

Sem sagt: Vinnubrögð konunnar með hnífana, lögreglunnar og starfsfólks Select voru, svo ekki verður um villst, eitt alsherjarklúður frá upphafi til enda og hlutaðeigandi til ævarndi skammar. Ef vel á að vera ætti allt þetta fólk að biðja þjóðina afsökunnar á afburða lélegri frammistöðu sinni. 


mbl.is Ránstilraun í Reykjavík
Tilkynna um óviðeigandi tengingu við frétt

Derringur í einum úrmakara

Hvaða déskotans derringur er í þessum Fránka Mikkelssen úrmakara? Er hann eitthvað ofgóður til aðstunda sitt klukkuspil við Laugarveginn þó stöku fylliraftur eigi leið framhjá starfsstöð hans? Ja þeir geta leyft sér sitthvað þessir háu herrar! Svo ber herra Fránki úrmakari pólitískum fulltrúum hringlandahátt og annan slóðaskap á brýn, eins og ekkert sé sjálfsagðara en að hella sér yfir kjörna viðhlæjendur kjósenda. Svo bætir þessi kraumandi borgari um betur og segir sig úr stjórn Miðborgar Reykjavíkur, sjálfsagt í þeirri góðu trú að margir sjái eftir honum úr þeirri stjórn, og að afsögn hans sé ígildi héraðsbrests. 

Hvað algera trúnaðrbrestinn milli kaupahéðna í miðborginni og stjónmálaskörunga varða, þá er hann náttúrlega hraustlega orðum aukinn því hin virðulega mangarastétt Reykjavíkur og Borgarstjórn Reykjavíkur hafa alltaf verið eitt, eins og heiðvirð og ástfangin hjón undir einni sæng. 


mbl.is Kraumandi óánægja kaupmanna
Tilkynna um óviðeigandi tengingu við frétt

Mannréttindabrot á Íslandi

Það er auðvitað gott og blessað að mótmæla mannréttindabrotum í Kína. Þó væri mun nærtækara að mótmæla mannréttindabrotum á Íslandi.

Það liggur fyrir, samkvæmt Mannréttindanefnd Sameinuðu þjóðanna, að kvótalýðurinn á Íslandi, með dyggum stuðningi stjórnvalda, hefur stundað mannréttindabrot af krafti í stinna tvo áratugi. Í því sambandi væri tilvalið að allri þeir sem áhuga hafa á að stemma stigu við mannréttindabrotum, söfnuðust saman við Sjávarútvegsráðuneytið og leyfðu þeim sem þar ráða húsum að finna til tevatnsins. Að því loknu færi hersveit mannréttindasinna í heimsókn í aðalstöðvar LÍÚ og legðu þær í rúst og stökktu innanbúðarhænsnum á þeim bæ á þvílíkan flótta að þeir þyrðu aldrei að láta sjá sig á almannafæri meir.

Þá væri tilvalið að almenningur legði til atlögu við okurlánaóbermin á jakkafötunum og afgreiddu þá á þann hátt sem þau hafa til unnið.


mbl.is Mannréttindabrotum mótmælt
Tilkynna um óviðeigandi tengingu við frétt

Fékk græðgina í skrúfuna

Þetta minnir mig á íslensku ríkisstjórnina. Hún fékk góðærið, frjálshyggjuna og græðgisvæðinguna í skrúfuna úti á ballarhafi kapítalismans. En af einhverjum ástæðum fæst enginn til að draga hana til hafnar; mætti halda að öllum finnist þessi leiðinlega ríkisstjórnarjakt best geymd á reki í þeim ólgusjó sem hún álpaðist útí. 
mbl.is Fékk veiðarfæri í skrúfuna
Tilkynna um óviðeigandi tengingu við frétt

Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband