Leita í fréttum mbl.is

Bloggfærslur mánaðarins, júlí 2009

Össur á að segja af sér

_gust_a_motmaela.jpgRáðherra sem vinnur að því öllum árum að svíkja þjóð sína undir erlent vald getur ekki verið sjálfrátt. Slíku óbermi ber að segja tafarlaust af sér. Geti hann það ekki hjálparlaust á að hjálpa kvikindinu til þess.

Árum saman bjuggum við við ríkisstjórn sem fórnaði þjóðinni á altari gráðugrar peningahyggju. Það fór eins og það fór. Nú búum við við ríkisstjórn sem virðist full alvara í að svíkja þjóð sína í tryggðum og varpa henni í kjaftinn á evrópuauðvaldinu.  

Er máske komið að því að VG verði að taka á sig rögg og segja Samfylkingunni að fara til helvítis?

Eða fer brátt að hylla undir að fólkið, þjóðin sjálf, standi upp og geri sósíalíska byltingu? Sem er tvímælalaust besti kosturinn í stöðunni.   


mbl.is Össur: „Diplómatískur sigur“
Tilkynna um óviðeigandi tengingu við frétt

Fagurt fordæmi 10 ára drengs

drunk5.jpgMikið ósköp sýndi hinn 10 ára drengur fagurt fordæmi er hann neitaði sér um að velta föður sínum rotuðum ofaní gjótu og fergja yfir með grjóti, en takast þess í stað á hendur það leiðinlega erfiði að drösla karlómyndinni niður í bíl og vaka þar yfir honum uns að var komið. Vart þarf að taka fram, að feðgarnir voru svínfullir þegar þeir lögðu á Herðubreið og með gallonsbrúsa af skosku vískýi í farteskinu. Svo ekki er að furða að þeir hafi verið mökkruglaðir þegar vandalaust fólk kom að þeim í rafmagnslausum bílaleigubílnum.
mbl.is Hjálpaði slösuðum pabba í bílinn
Tilkynna um óviðeigandi tengingu við frétt

Ekki íslandsmann fremur en Pétur þríhross

ös1Á meðan utanríkisráðherra Íslands trallar glaðbeittur um sali Evrópubandalagsins og flaðrar uppum alla auðvaldsgelti sem á vegi hans verða á þar innandyra bíður íslenska þjóðin í örvæntingu og vonar að hinn tindilfætti utanríkisráðherra gleymi algjörlega stund og stað og skili sér ekki aftur heim; dagi uppi sem símalandi heimilisköttur í Brussel eða í kjallaranum hjá Carli Bildt eða einhverju öðru ámóta númeri evrópuauðvaldsins. Og af því að Össur utanríkisráðherra Íslands er ekki íslandsmann fremur en Pétur þríhross þegar hann var mikið ölvaður þá eru góðar líkur á að hann deyji inní EBS líkt og þegar hann dó inní Alþýðuflokkinn sáluga, sællar minningar, og sjáist aldrei meir á frónskri grund en þeim mun oftar í endalausri ESB-sæluvímu á Brusselvöllum eða í öðrum þeim stöðum sem þessi kúsntugi sprelligosi sækir sér andlegt fóðu við hæfi. 
mbl.is Leiðin styttri fyrir Ísland
Tilkynna um óviðeigandi tengingu við frétt

Týnd lán eru týnd þar til þau finnast

gaman.jpgMikið helvíti tókst nú einkavinavæðing Davíðs og Halldórs á Landsbankanum fjarska vel. Einkavinirnir er þáðu Landsbankann að gjöf virðast fljótt hafa tekið til óspilltra málanna og farið að lána sjálfum sér milljarða á milljarða ofan, sem týndust jafnhraðan. Svona eiga kaupsýslumenn að kaupsýsla! Á sínum tíma skildist mér að Bjöggarnir og fleira frábært fólk af þeirra guðlega standi væru allt í senn: kjölfestufjárfestar, áhættufjárfestar og fagfjárfestar. En af einhverjum furðulegum ástæðum festist féð illa við þessa heiðursmenn, það fauk bara útí buskann, eða fór í súginn eins og mbl.is orðar það svo skemmtilega. Nú veit enginn hvað á að gera við Bjöggana, eða hvort eitthvað eigi að gera við þá. Þetta eru nú einusinni öðlingar, menningarvinir og einkavinir. Og þar sem týnd lán eru týnd verða þau að sjálfsögðu týnd þar til svo ólíklega vill til að þau finnast.

Svo var það karlinn hann Arinbjörn, sem pissaði á kirkjutröppurnar í þorpinu sem hann bjó, og gerði auk þess dálítið meira í leiðinni sem ég af velsæmisástæðum vil ekki nefna. Í mörg ár vissi söfnuðurinn ekki hvernig væri best að taka þá þessu snúna máli. Að lokum varð Arinbjörn ellidauður og þar með framferði hans á kirkjutröppunum forðum úr sögunni.


mbl.is Skoða lánveitingar Landsbanka
Tilkynna um óviðeigandi tengingu við frétt

Steinbarn andlegra aumingja

eudajpk.pngAðvitað er það gleðilegt að Jón Bjarnason skuli hefa einurð í sér að spyrna fótum við sjúklegu ESB-æði landsölugemsana í Samfylkingunni. Það ætti ekki að dyljast nokkrum sem á annað borð hafa einhverja týru milli eyrnanna, að afarir Samfylkingarinnar eiga ekkert skylt skynsemi hvað þá gáfur. Þar er á ferð vitfirrt einstefna sem stjórnast af steinbarni í maga fólks sem á sér engar pólitískar hugsjónir í grunninn. Að vilja fórna sjálfstæði og fullveldi þjóðar sinnar fyrir eitthvert loft úr görnunum á evrópsku auðvaldi er að sjálfsögðu lítilmennska og vanmáttarkennd á hæsta stigi, sem einungis andlegir aumingjar leyfa sér að hafa um hönd.

Og ekki stóð á viðbögðum eyðimerkurfanna í Samfylkingunni við aðvörunarorðum Jóns Bjarnasonar: Einhver kvenkyns þingmannsnefna úr Samfylkingunni var umsvifalaust send á vettvang fréttastofu Ríkisútvarpsins til aða hafa í hótunum við Jón ráðherra og VG. Að mati þingmannsnefnunnar, hvers nafn ég ekki man, á Jón Bjarnason að segja af sér, sennilega af því samfylkingarræflunum líkar ekki að hann skuli hafa sjálfstæða skoðun gagnvart ESB-steinbarni landsölulýðsins. 

Og samfylkingareigunum kemur akkúrat ekkert við hvaða fólk Vinstrigrænir velja úr sínum röðum í ríkisstjórn, ekki fremur en VG kemur við hvaða sperrileggi og amlóða Jóhanna Sig. leggur til með sér í ríkisstjórnarbúið. 


mbl.is Vill fresta umsóknarferli ESB
Tilkynna um óviðeigandi tengingu við frétt

Skepnan fékk graðbít

perr.jpgSamkvæmt opinberum lýsingum á sjúkdómi þeim er varð Sarkozy frakklandsforseta að fótakorti er ljóst að karlskepnan hefur fengið býsna snarpa aðkenningu af graðbít, sem er hættuleg veiki og vandmeðfarin. Í stuttu máli lýsir graðbítur sér á þá leið, að sjúklingurinn fær harkalegan verk í miðvígstöðvarnar, líkan því að honum sé tekið tröllslegt hreðjatak. Þeir sem eru í mestri hættu að fá graðbít eru kynóðir karlar, komnir yfir fimmtugt og hafa komið sér upp hugsunarhætti sem skömm er að. Þannig má segja að morgunskokk Sarkozy hafi komið uppum sóðalegar hugrenningar hans. Þá eru og nokkur brögð að því að menn hafi látist úr þessum sjúkdómi við samræðisiðkan, fengið reiðarslag eins og það er kallað í sjúkraskýrslum og dánarvottorðum.
mbl.is Sarkozy útskrifaður á morgun
Tilkynna um óviðeigandi tengingu við frétt

Myndi sparka skrípalingnum út á götu

kikkSkrípalingnum Össuri Skarphéðinssyni, sem hljóp útum allar heimsins þorpagrundir með útrásarglæpahyskinu, munar eflaust ekki um að liggja hundflatur fyrir sænska auðvaldsbesefanum Carli Bildt, sleikja sér uppvið hann með fleðulátum eins og rakka er siður og kyssa hann á rassinn.

Ef ég væri ráðamaður í erlendu ríki og fengi hundspott að tegundinni Össur Skarphéðinsson í heimsókn myndi sparka honum umsvifalaust út á götu og fela sorphirðukörlum koma honum á viðeigandi stað.


mbl.is Ræðir við Bildt um ESB umsókn
Tilkynna um óviðeigandi tengingu við frétt

Hvort skal nú vinna fyrir vinskap manns (Jóhönnu, Össurar og Árna Páls)

oss.jpgÞað er auðsjánlegt á grein Ögmundar að honum er ofboðið. Enda ekki að undra. Þjóðin er á hnjánum í miðri drulluforinni sem Sjálfstæðisflokkur, Framsókn og Samfylkingin köstuðu henni útí af síku ábyrgðarleysi að manni koma ósjálfrátt í hug orð eins og landráð og stórglæpamennska. Og Samfylkingunni virðist ekki nóg að gert. Þessu vesalings fólki virðist hreinlega í mun að leggja þjóðina lágrétta á grúfu ofaní forarvilpu niðurlægingar og uppgjafar. Hvað samfylkingarforystunni gengur til er svo sem augljóst: Öllu skal fórnað, æru, sjálfsvirðingu og þjóðfrelsi, bara ef það gæti orðið til að auðvelda Samfylkingunni það ætlunarverk sitt að svíkja Ísland inní auðvaldsmaskínu ESB.

Það má ljóst vera að Samfylkingin er alvarleg meinsemd í íslenska þjóðarlíkamanum, ekki síður en glæpasamtökin alræmdu sem kenna sig við sjálfstæði og framsókn. 

Hlutverk íslenskra stjórnmálamanna um þessar mundir er koma þjóðinni af hjánum og uppá fæturnar, en ekki öfugt, það veit Ögmundur manna best þeirra er nú sitjá á Alþingi. Það er komið að ögurstundu hjá Steingrími J. og VG; hvort skal nú vinna fyrir vinskap manns (Jóhönnu, Össurar og Árna Páls) að víkja af götu sannleikans eða stjanda með alþýðu landsins, reisn þjóðarinnar og sjálfsvirðingu?


mbl.is Ögmundur: Hugsum um þjóðarhag
Tilkynna um óviðeigandi tengingu við frétt

Liggja milli heims og heljar

boy3.jpgÍ kvöld var hringt til mín og tjáð að hjónin Kolbeinn Kolbeinsson og frú Ingveldur liggi bæði tvö í rúmi sínu milli heims og helju af svínaflensu. Í hart nær fjóra daga hafa þau ekki haft fótavist enda að mestu meðvitundarlaus. Ekki bætti úr skák að Kolbeinn romsaði uppúr sér í óráði einhverju kvennafarssvalli af sjálfum sér svo frú Ingveldur heyrði og uppskar að launum kinnhest svo vel úti látinn að hann lá í öngviti af þeim sökum, auk svínaflensunnar að sjáfsögðu, í rúman hálfan sólarhring. Í gærdag vitjaði læknir þeirra hjóna og dældi í þau miklu magni af tamiflu, sem því miður virtist hafa þveröfug áhrif við það sem ætlað var, því sjúklingunum elnaði svo sóttin við inntökuna að líf þeirra hékk bókstaflega á bláþræði fram eftir nóttu en þá komst Kolbeinn í koníakið sitt, drakk sig dauðadrukkinn á augabragði og lognaðist útaf í forstofunni, þá búinn að míga á sig eins og sönnum drykkjumanni sæmir. Seinnipartinn í dag var svínaflensan líka komin í sálina á frú Ingveldi, sem lýsti sér því að hún talaði tungum í fimm stundarfjórðunga um markaðsaðstæður fyrir sölu á beinhreinsuðum fiskflökum í Austurríki. 
mbl.is Greiningar takmarkaðar
Tilkynna um óviðeigandi tengingu við frétt

Og það skulu þau vita ...

Ætli færi ekki best á, úr því sem komið er, að ríkisstjórn Íslands hunskist til að upplýsa þjóð sína um samskipti sín við ESB og einstök ríki þess síðustu mánuði. Ég get ekki að því gert, en ég hef það mjög á tilfinningunni að ríkisstjórnin sé sek um að hafa farið illilega á bak við okkur, stundað óafsakanlegt jafnvel þjóðhættulegt leynimakk og pukur sem gengur útá að fullveldi og sjálfstæði þjóðarinnar, sem og íslenskri alþýðu, verði fleygt eins og hverju öðu skrani í kjaftinn á gömlu nýlenduveldunum, ESB-auðvadinu, til að borga sig frá stórglæpunum sem framdir voru í skjóli frjálshyggjustefnu Davíðs, Halldórs og Ingibjargar Sólrúnar - já og Jóhönnu og Össurar. 

Ef stjórnmálamennirnir sem fólkið í landinu kaus til starfa á Alþingi hefur ekki getu til að sinna störfum sínum af heiðarleika og tilhlýðilegri auðmýkt, sagt okkur satt og rétt frá hvað raunverulega er að gerast, er ekki um annað að ræða en að fólkið á götunni grípi til sinna ráða áður en það er um seinann.

Og það skulu þau Jóhanna, Steingrímu, Össur og Árni Páll vita, að Byltingin liggur í loftinu tilbúin að fleygja þeim á sorphaugana með Sjálfstæðisflokknum og Framsókn.   


mbl.is Þrýst á Íslendinga
Tilkynna um óviðeigandi tengingu við frétt

Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband