Leita í fréttum mbl.is

Bloggfærslur mánaðarins, maí 2008

Sami hundstittlingurinn

dog4Það geta víst allir andað rólega vegna þessarar skoðannakönnunar, þar sem flokkarnir fimm sem sæti eiga á Alþingi fengu um það bil 100% stuðning þeirra sem á annað borð tóku afstöðu til stjónmálaklúbba.

Þetta er einkar geðsleg og gleðileg niðurstaða, þar eð allir sem hafa náð kosningaaldri vita, að það er sami hægri hundstittlingurinn undir öllum þessum klúbbum.


mbl.is Fylgi stjórnarflokka eykst en fylgi ríkisstjórnar minnkar
Tilkynna um óviðeigandi tengingu við frétt

Hún á aldrei eftir að bíða þess bætur

fegrófegró1Aumingja blessuð stúlkan að hafa verið valin ungfrú Ísland, hún á aldrei eftir að bíða þess bætur. Nú er svo komið fyrir Alexöndru Helgu, að hún á einskis annars úrkosta en að ganga í klaustur og gjörast nunna ef ekki á illa að fara. Eins og allir þekkja, eru til margar skelfilega sögur af örlögum fegurðardrottninga; oftar en ekki hafa þær orðið ljótum köllum og slúðurblöðum auðveld bráð og staðið uppi að lokum úthrópaðar og mannorðslausar. Hver man t.d. ekki eftir Þórgunnu Vogmey, sem er án nokkurs vafa vörpulegasta og ýturvaxnasta fegurðardrottning sem uppi hefir verið á Norðurlöndum. Hún féll í ónáð slúðurdálkahöfunda, sem fyrir bragðið gerðu slíkan aðsúg að henni, að hún sat uppi um síðir sem alræmd eituræta í sambúð með útlifuðum rokktónlistarmanni sem gengið hafði af göflunum strax um fermingu. Árum saman birstu slúðurdálkahöfðingjarnir myndir í sorpritum sínum af Þórgunnu Vogmey illa klæddri, ásamt texta þar sem gefið var í skyn að hún hefði heldur en ekki verið í annarlegu ástandi þegar myndin var tekin. Meira að segja tókst einum þorparanum að taka mynd af Þórgunnu þar sem hún sat í rólegheitunum á klósettinu heima hjá sér. Þegar myndin birtist í hinu virta tímariti ,,Hér og heyrt" fylgdi með að fegurðardrottningin Þórgunna Vogmey væri búin að þjást í marga mánuði af þrálátum niðurgangi sem stafaði af stjórnlausri koníaksdrykkju hennar og súkkulaðiáti og væri nú svo komið að fegurðardrottningin kæmist með engu móti af bæ nema með þykka bleyju á sér til að taka við ómeltu koníakinu og súkkulaðinu.

Því legg ég til að fegurðardrottningar verði með öllu aflagðar og að huggulegar stúlkur fái hér eftir að vera í friði fyrir ljótum köllum og slúðurdálkahöfundum.  


mbl.is Alexandra Helga valin ungfrú Ísland
Tilkynna um óviðeigandi tengingu við frétt

Þegar unaðurinn og alsælan gagntaka líkama og sál

drunk4Ég fæ ekki betur séð en félagi Kalli Matt hafi orðið vitni að fullkomnu fylliríi í háloftunum yfir því mikla Rússlandi. Það er að minnsta kosti vandséð, að nokkur maður geti komist nær hinu eilífa sköpunarverki en að drekka sig uppúr öllu valdi af flugvélaviskýi, rífa sig úr að ofan, æla yfir huggulega konu, slást við farþega og áhöfn flugvélar og vera loks rígbundinn og niðurnjörvaður með snæri. Þegar þar var komið sögu, að maðurinn lá bundinn á gólfi flugvélarinnar, hefir líðan hans áreiðanlega verið komin í hæstu hæðir, hann fallinn í einhverskonar nirvana þar sem unaðurinn og sælan gagntaka líkama og sál. Það stingur því óneitanlega nokkuð í stúf, að þegar flugvél Kalla Matt lenti, skuli lögreglan í Moskvu hafa tekið hinn alsæla mann og haft á brott með sér. En þeir hafa víst aldrei skilið andlega upphafningu þarna í Moskvu, hvað þá menn sem kunna á því lagið að láta sál sína rorra um óravíddir alheimsins meðan líkaminn liggur bundinn með snæri á flugvélargólfi.


mbl.is Flugdólgur í vél með íslenskum þingmanni
Tilkynna um óviðeigandi tengingu við frétt

Hinn sperrti utanríkisráðherra Samfylkingarinnar

solla og ræs1Það er naumast hvað frú I. Solrún er sperrt á meðfylgjandi mynd með stríðsglæpamerinni Kondomlessu. Ég er farinn að halda, í fullri alvöru, að formaður Samfylkingarinnar kunni ekki að skammast sín.

Kondomlessu þessu ætti skilyrðislaust að handtaka og ákæra fyrir stríðsglæpi og glæpi gegn mannkyni.


mbl.is Condoleezza Rice á Íslandi
Tilkynna um óviðeigandi tengingu við frétt

Mikill búhnykkur

solla og ræs1KizzÞað verður áreiðanlega mikill búhnykkur fyrir sunnlendinga að fá Gjeir Ho Haaarde og frú Ingbjörgu Solrúnu jafningsmann í heimsókn í dag. Gera verður ráð fyrir að þeirra hátignir verði í fantaformi þegar þau birtast múgnum fyrir austan fjall, enda verða þau þá nýbúin að éta með stríðsglæpafordæðunni Kondomlessu Ræs, bukta sig fyrir henni og beygja með skyldugu smjaðri og aumingjaskap. 
mbl.is Geir og Ingibjörg Sólrún fara á skjálftasvæðið
Tilkynna um óviðeigandi tengingu við frétt

Eins og gert var við hræ af hundum

dog2Gott er og blessað, að vörubílstjórar skuli hafa svo lítið við að jarðsyngja ríkisstjórnina á táknrænan hátt. Betra væri þó að ríkisstjórnin væri raunverulega dauð með læknisvottorði og öðrum tilheyrandi pappírum og alvöru útför stæði fyrir dyrum. Og auðvitað yrði ríkisstjórninni fleygt í gamla mógröf eða annann fúapytt eins og gert var við hræ af hundum hér fyrrum til sveita. Stundum voru hundar þeir sem fengu sína hinstu hvílu í mógröf mörgum harmdauði, en um slíkt yrði að sjálfsögðu ekki að ræða við andlát ríkisstjórnar Gjeirs Ho Haaarde og Ingibjargar Sólrúnar jafningsmanns; dauða ríkisstjórnarskepnunnar yrði almennt fagnað með viðeigandi gleðidagskrá um land allt. 


mbl.is Ríkisstjórnin „jörðuð"
Tilkynna um óviðeigandi tengingu við frétt

Þeim getur ekki verið sjálfrátt

bush og condoKizzÞað getur ekki verið að því fólk sé sjálfrátt sem ætlar, fyrir hönd íslenskra stjórnvalda, að taka á móti stríðsglæpakvendinu Kondomlessu Ræs. En því miður mun ekkert á vanta hjá okkrar háu herrum og frúm að viðra sig upp við þessa óvelkomnu persónu með ógeðfelldu smjaðri, sleikjuskap og undirlægjuhætti. En ef til vill eru oddvitar íslensku ríkisstjórnarinnar, þegar öllu er á botninn hvolft, flokkssystkyni repúblíkanana Kondomlessu og Georgs Bush. 
mbl.is Rice á leið til Íslands
Tilkynna um óviðeigandi tengingu við frétt

Hin svarthvíta heimsmynd ofstækismanns

pope2Mikið helvíti hætti Björn Bjarnason sér langt útá brothætt svell hroka og ósvífni í utandagskrárumræðunni um ríkisreknar símhleranir Sjáfstæðisflokksins á síðustu öld. Og þegar hann lét sér ekki muna um að láta að því liggja, að hann einn vissi hvað hann væri að tala um, var ekki laust við að setti að manni hroll. Það má vel vera að ýmislegt hafi verið skrafað við eldhúsborðið á heimili Björns Bjarnasonar á árunum 1948-1968, en það er með öllu fráleitt að það ofstækissnakk geri hann betur í stakk búinn til að ræða símahlerunaráráttu Sjálfstæðisflokksins fyrr og nú. Það dylst engum að núverandi utanríkisráðherra er innblásinn af hinni svarhvítu heimsmynd bandaríska repúblíkanaflokksins, sem er eitthvert sóðalegasta óþverrabatterí sem rekið er á gjörvallri jörðinni, mannfjandsamlegt kúgunartæki auðvalds, arðráns, hernaðarhyggju og stríðsglæpa. Satt að segja eru menn, sem frá barnæsku eru blindaðir af einhliða pólitísku ofstæki, engan veginn hæfir til að gegna ráðherrastörfum. Sem betur fer býr Sjálfstæðisflokkurinn, þrátt fyrir allt, svo vel að eiga margt gáfað og vel gert fólk, sem hefur skömm á ofstækisfyllstu ráðamönnum flokksins og hefur raun af að horfa uppá hvering þeir kauðar athafna sig.

Þá var froðusnakkið í Birni dómsmálaráðherra um, að fráleitt væri að halda því fram að dómarar hafi verið viljalaus verkfæri í höndum þeirra er gengdu starfi dómsmálaráðherra á umræddu tímabili, gjörsamlega útí hött. Það er nefnilega ekki hægt að álykta annað en hinir virðulegu dómarar hafi einmitt verið viljalaus verkfæri ráðherra þegar kom að símahlerunum. Svo einfalt er það nú.    


mbl.is Dómarar ekki viljalaus verkfæri
Tilkynna um óviðeigandi tengingu við frétt

Fyrirmunað að sjá sóma sinn

bush og condoÞað er varla við því að búast að kaldastríðshaukurinn Björn Bjarnason dómsmálaráðherra vilji biðja hlutaðeigandi fórnarlömb hlerana afsökunar á framferði íslenskra ráðamanna á árabilinu 1949-1968. Því er nefnilega þannig varið, að sumum mönnum er algjörlega fyrirmunað að sjá sóma sinn, en það á við Björn Bjarnason í þessu tilfelli. Frekar vill þessi litla sál, að umrætt fólk og afkomendur þess stundi málarekstur fyrir dómstólum til að fá úr því skorið hvort brotið hafi verið á því. Þvílíkur andskotans aumingjaskapur og forsmán. 
mbl.is Engin afsökunarbeiðni
Tilkynna um óviðeigandi tengingu við frétt

Maðurinn sem var uppfullur af djöflum og andskotum

djöfsi2Ekki er ráð nema í tíma sé tekið þegar við liggur að stökkva Pokurnum frá ungbörnum. Sé það ekki gert samviskusamlega, er víst að Kölski kemur einhverjum af sínum óendanlega mörgu púkum fyrir í höfðinu á hinu varnarlausa barni. Ég man eftir manngerpi nokkru sem var svo uppfullur af djöflum og andskotum að til hreinnar hörmungar taldist. Um helgar og aðra hátíðisdaga drakk hann brennivín af stút, barði konu sína og börn sundur og saman, foreldra sína líka og tengdaforeldra. En þrátt fyrir þennan hvimleiða dólgshátt í garð sinna nánust og fleiri, græddist þessum manni linnulaust fé svo aldregi sást til botns í fjáhirslum hans. Það sannaðist semsé áþreifanlega á okkar manni, að Djöfullinn sér um sína og blæs þeim kapp í kinn. 


mbl.is Stokkið yfir börn á þorpshátíð
Tilkynna um óviðeigandi tengingu við frétt

Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband