Gelgjur á heimsmælikvarða klappa stappa - og snappa

Sigurvegar kvöldsins á fyrsta undanúrslitakvöldi Evróvísjónsins vóru tvímælalaust Eva Máría og Reignhildur Steinunn, enda eru þær sannast sagna gelgjur á heimsmælikvarða. Þessar elskulegu unglingsstúlkur klöppuð nær allan þáttinn, af slíkum ofsa að undarlegt má telja að þær hafi ekki handleggbrotið sig, auk þess sem þær stöppuðu niður fótum eins og mannýgar lambær, tóku bakföll og ráku upp óp og öskur við ólíklegustu tækifæri.

Eftir hina dæmalaust góðu frammistöðu í kvöld þykir einsýnt að þær stöllur í gelgjunni, Eva og Ránka, sigri íslandskeppnina og fái þann heiður að flytja hróður Íslands útí Noregi í sjálfri úrslitaorrustunni. Og miðað við tilburði þeirra í kvöld er óhætt að spá þeim mikilli, já mikilli, velgengi á sviðinu í Ósló. 

Lögin tvö sem komust áfram

Athugasemdir

[Baldur Hermannsson, 9.1.2010 kl. 22:52]

Óborganlega fyndnar líka, gleymdu því ekki. 144 lögum synjað...blablabla...

[Jóhannes Ragnarsson, 9.1.2010 kl. 23:08]

Það þarf hvorki lög nér keppni, þegar slíkir yfirburðarhressarar og Eva og Ránka eru til staðar með skothelt evróvísjónprógramm. 

[Baldur Hermannsson, 9.1.2010 kl. 23:12]

Snilldar hugmynd. Og sparnaður. Má sleppa Spaugstofunni líka.

[Jóhannes Ragnarsson, 10.1.2010 kl. 09:58]

Svona túrbókerlingar geta gert hreinustu kraftaverk þegar galsi er í þeim.