Steingrímur okkar J. er ekki að klofna

Í sjónvarpsfréttunum í kvöld var viðtal við þann óklofna svavarsvædda stórkarl Steingrím J. Sigfússon. Að vonum bar bar sá óklofni sig mannalega, enda handhafi ráðherrastóls, og vísaði útí hafsauga öllu hjali um að flokkurinn hans, Vinstri grænir, væri að klofna í tvennt, það væri engin hætta á slíku. Athyglisverðast við þessa afneitun Steingríms er að annað hvort var stórkarlinn að ljúga blygðunarlaust eða hann er ekki lengur með á nótunum, hefur ekki hugmynd um hvað er að gerast í flokknum sem hann á að heita formaður fyrir.

Ef svo illa er komið fyrir formanninum að hann viti ekki handa sinna skil í innanbúðarmálum VG verður ekki umflúið að velviljað fólk upplýsi blessaðan karlinn um að heldur betur sé farið að fjara undan honum og að flokkurinn sem hann stýrir sé nú þegar klofin, hangi einungis saman á fáeinum fúaspottum sem eru meir en líklegir til að gefa sig þá og þegar; ennfremur, að formaðurinn geti sjálfum sér um kennt hvernig komið er. 

Flokksráð ítrekar andstöðu VG við inngöngu í Evrópusambandið

Athugasemdir

[Sveinn Elías Hansson, 16.1.2010 kl. 22:23]

Já , blessaður karlinn er gjörsamlega orðinn kexruglaður af þessu icesave stússi sínu. Hann þekkir ekki muninn á réttu og röngu lengur.

Hann þyrfti að fara í langa endurhæfingu.

[Þórdís Bára Hannesdóttir, 16.1.2010 kl. 22:26]

Vona að hann komi með inn í Samfylkinguna. Hann er frábær.

[Jóhannes Ragnarsson, 16.1.2010 kl. 22:34]

Ég get sagt þér það, Þórdís Bára, að VG mun bráðlega auglýsa Steingrím J. til sölu. Og með í kaupunum fylgja Álfheiður Ingadóttir, Svavarsslektið, nokkrar búrtíkur og 10-15 dekurdýr. Pakkinn selst í heilu lagi við vægu verði.

[Auðun Gíslason, 16.1.2010 kl. 23:00]

Minnir á Jón krata kallaður Jón Klofningur.  Hann sagði:  "Ég hef ekkert klofið."

[Hjörtur J. Guðmundsson, 16.1.2010 kl. 23:29]

Samfylkingin er svo sem ágætis ruslakista.

[Hjörtur J. Guðmundsson, 16.1.2010 kl. 23:33]

En mikið yrði það nú athyglisvert ef Steingrímur tæki nú skrefið til fulls og gengi í Samfylkinguna. Hann stofnaði VG á sínum tíma einmitt vegna þess að hann vildi ekki að Alþýðubandalagið rynni inn í Samfylkinguna, ekki sízt vegna Evrópumálanna. Eða það var allavega opinbera skýringin. Sennilega hefur þó tapið í formannskjörinu gegn Margréti Frímannsdóttur skipt ansi miklu máli.