Áreiðanlega alveg rétt hjá félaga Steingrími

Það er áreiðanlega alveg rétt hjá félaga Steingrími, að Ísbjargardeilan er allt of, allt of, flókið mál til að fara í atkvæðagreiðslu hjá nautheimskum almúganum. Fyrst drottinn guð almáttugur Steingríms, Svavar Gestsson, botnaði ekki meira í málinu en illa meðalgreindur hlandauli, er engin von til að aðrir geti gert það.

Affarasælast væri að Steingrími væri falið að fara með atkvæði allra landsmanna í fyrirhugaðri þjóðaratkvæðagreiðslu. Það myndi hvort tveggja í senn, spara ríkinu útgjöld uppá 200-300 milljónir og tryggja skynsamlega niðurstöðu.

Of flókið fyrir atkvæðagreiðslu

Athugasemdir

[Sveinn Elías Hansson, 17.1.2010 kl. 19:43]

Of flókið, eða er eitthvað verið að fela sem þyrfti að koma í ljós ef að það yrði þjóðaratkvæðagreiðsla?

Ég held að stjórnmálamenn séu að fela eitthvað.

[Jóhannes Ragnarsson, 17.1.2010 kl. 21:17]

Það er alveg hroðalegt ef þannig er í pottinn búið, að stjórnmálamenn láti sig hafa það að leyna almenningu um atriði sem varðar þennan sama almenning heilmiklu máli. Ef þessir menn telja að leynipukur kerfisins skipti meira máli en fólkið í landinu, þá höfum við andskotann ekkert með þá að gera fremur en hvert annað illgresi. Miðað við framgang mála undanfarið er ljóst að núverandi valdhafar hafa lítin áhuga á að fara að vilja fólksins sem fleytti þeim inní Stjórnarráðið, meðal annars fólksins sem lagði nótt við dag í búsáhaldabyltingunni og allra þeirra þúsunda útum allt land sem eygðu von um Nýtt Ísland réttlætis og heiðarleika.

[Sveinn Elías Hansson, 17.1.2010 kl. 21:31]

Ég er hræddur um að þetta nýja Ísland verði aldrei til nema að við losum okkur við fjórflokkinn. Spillingin grasserar allsstaðar ennþá.

[Jóhannes Ragnarsson, 17.1.2010 kl. 21:38]

Ja, hvort hún grasserar. Það hefur því miður furðu lítið breyst á Spillingarstöðum.