Hver sá sem greiðir atkvæði í prófkjöri Sjálfstæðisflokksins ...

Það er hátíð í Valhöll í dag og það ekki að ástæðulausu; það stendur nefnilega til að kjósa frú Hönnu Birnu Kristjánsdóttur, sem Láfi F. kallaði ,,lötu Hönnu" í rómuðu ljóði, í efsta sæti á framboðslista Sjálfstæðisflokksins.

Nú er það eitt útaf fyrir sig, að Sjálfstæðisflokkurinn skuli enn hafa starfsleyfi eftir alla þá glæpi sem þessi illræmdu samtök hafa framið. Það er óskiljanlegur slóðaháttur hjá núverandi ríkisstjórn að hafa ekki bannað Sjálfstæðisflokkinn með lögum frá Alþingi, en en sýnir ef til vill betur er flest annað hið nöturlega samtryggingarkerfi stjórnmálaflokkana á Íslandi. En því miður hefur Sjálfstæðisflokkurinn starfsleyfi og getur því haldið prófkjör eins og honum lystir þar sem sama frjálshyggjuhrunaliðið og venjulega tekst á um efstu sætin. Innan Sjálfstæðisflokksins eru persónur og leikendur forhertar og kunna ekki að iðrast.

En hvað sem prófkjörskandídötum íhaldsins í Reykjavík líður, þá er ljóst, að hver sá sem greiðir atkvæði í prófkjöri Sjálfstæðisflokksins er fyrst og fremst af lýsa yfir stuðningi við áframhaldandi spillingu og glæpamennsku í þjóðfélaginu.  

Sjálfstæðismenn með prófkjör í Reykjavík

Athugasemdir

[Sveinn Elías Hansson, 23.1.2010 kl. 11:18]

Já þeir eru lítið skárri núverandi ríkisstjórnarflokkar.

Það var settur á svið leikþáttur með fjórflokknum í janúar 2009, þegar fyrri stjórn fór frá og framsókn bauð hlutleysi.

Það var allt gert til að VG og Samfylkingin fengju meirihluta til að fela samtrygginguna og að reyna að friða liðið. Ekkert hefur breyst síðan þessi stjórn tók við, aðeins hefur verið skipt um hlutverk.Hér breytist ekkert nema almenningur taki völdin í sínar hendur með BYLTINGU.

Lifi byltingin.

[Jóhannes Ragnarsson, 23.1.2010 kl. 11:23]

Tek undir með þér Sveinn.

Lifi byltingin!!!

[Hrólfur Þ Hraundal, 23.1.2010 kl. 12:09]

Svo kjánalegt sem það kann að virðast, þá hugnast mér nú betur þróun en bilting.

[Jóhannes Ragnarsson, 23.1.2010 kl. 12:49]

Það er verst ef þróunin gengur útá að gamla kerfið sem hrundi endurnýji sjálft sig. Ég hef illan grun um að þannig sé í pottinn búið.

[Auðun Gíslason, 24.1.2010 kl. 00:56]

Þróunin samanstendur af litlum byltingum, nefnilega stökkbreytingum.  Hversvegna ætti mannlífið að lúta öðrum lögmálum en annað líf?  Sleppu litlu byltingunum og gerum eina stóra og feita byltingu=hröð þróun!