Merkur atburður í endurreisn gamla Íslands

Sá merki atburður gerðist í hádeginu í dag, að fyrrverandi stofupía Kjartans Gunnarssonar í Valhöllu, Hanna Birna Krisjánsdóttir, greiddi atkvæði í prófkjöri Sjálfstæðismanna í Reykjavík. Ekki ætla ég að halda fram, að athæfi Hönnu Birnu sé einsdæmi í veraldarsögunni, fjarri fer því, en það breytir því ekki að þarna framdi stofupían geðgóða alvarlegt axarskaft. Að kjósa í prófkjöri Sjálfstæðisflokksins er fáránlegur afglapaháttur, en að bjóða sig fram í slíku kjöri ber vott um einbeitta forherðingu og dómgreindarleysi. Að taka þátt í störfum Sjálfstæðisflokksins, sem ætíð hefur unnið eins og glæpavél, gerir hvern þann sem það gerir að þjófsnaut, stuðningsmann efnahagshrunsin og allra þeirra ótrúlegu glæpaverka sem þar voru unnin og er enn verið að vinna. Það er ömurlegt til að vita að saklaust fólk og grandvart, skuli glepjast til að kjósa í prófkjöri Sjálfstæðisflokksins og gerast með því samsekt þeim glæpum sem urðu þess valdandi að Ísland er bjargarlaust eins og afvelta sauðkind.

Borgarstjóri búinn að kjósa

Athugasemdir

[Landið (IP-tala skráð) 23.1.2010 kl. 14:49]

Hvað með kratana sem vinna nú eins og ávalt gegn hagsmunum þjóðarinnar til að tryggja egin hagsmuni við kjötkatlana í Brussel.

[Jóhannes Ragnarsson, 23.1.2010 kl. 14:58]

Kratarnir, undir ýmsum flokksnöfnum, Alþýðuflokkur, Samfylking, o.s.frv., sem og Framsóknarflokkurinn, hafa alla sína hundstíð verið eins og auðvirðilegar hjáleigur í túnjaðri höfuðbólsins, Sjálfstæðisflokksins. Helsta erindi þessara hjáleigukurfa í stjórnmálum hefur verið að gegna hækjuhlutverki í spilverki auðvaldsins.

[Sveinn Elías Hansson, 23.1.2010 kl. 17:24]

Þetta var mjög merkur atburður, enda kaus hún sjálfa sig í fyrsta sætið.