Fjallkona gamla Íslands og frjálshyggjuljóskurnar

Eins og við var að búast fær Sjálfstæðisflokkurinn þann framboðslista sem hann á skilið fyrir hreppsnefndarkjörið í Reykjavík í vor. Þarna raðast saman frjálshyggjuljóskur, karlkyns og kvenkyns, í þeim mæli að rökrétt er að álykta, að slíkur listi fái varla nema 8-10% atkvæða þegar kosið verður. Það eru nefnilega einungis kjánar sem láta sér til hugar koma að greiða auðvaldsmaskínunni atkvæði sitt eftir allt sem á undan er gengið, ég tala nú ekki um þegar Flokkurinn hefur ekki uppá bitastæðara að bjóða en þann framboðslista sem er að koma útúr prófkjörinu í Reykjavík og er hvorki fugl né fiskur og heldur hvorki vatni né vindi.

Það má vel vera að Hanna Birna, sú er Láfi F. orkti um, sé afar ánægð með niðurstöðu prófkjörsins, en varðandi þá ,,ánægju" verður að hafa ú huga, að hún er fyrrverandi  stofustúlka Kjartans Gunnarssonar í Valhöll og þar með innvígð hrunsdama, fjallkona gamla Íslands sem varð græðginni og ómennskunni að bráð. Í vor mun Sjálfstæðisflokkurinn í Reykjavík bjóða kjósendum í Reykjavík uppá tímaskekkju í stað framboðslista.

Hanna Birna fékk 84% atkvæða í 1. sæti

Athugasemdir

[Einar Guðjónsson, 23.1.2010 kl. 23:09]

Þá er engin áhugi á prófkjörinu meðal flokksbundinna. Þetta er í raun sami listinn og síðast. Sömu fyrirtæki og sömu fjölskyldurnar eiga fólk á listanum. Held að listi Jóns Gnarr fái 40 þúsund atkvæði í kosningum til Hreppsnefndar í vor.

[Halldór Jóhannsson, 23.1.2010 kl. 23:21]

Þurfum ekki meiri vitl....í borgarstjórn...svo ég frábið að þessi Jón Gnarr komist að..

[Auðun Gíslason, 24.1.2010 kl. 01:00]

Rúm 20% flokksbundinna FLokksmanna kaus Hönnu lötu í fyrsta sæti! Þeim er samt ekki allsvarnað þessum sem kusu.  Þeir settu sumsé skaðræðisgripinn Jórunni Frímanns í 8. sæti!  "Klárlega..." 36% FLokksmanna höfðu lyst á að taka þátt í sjónarspilinu eða 7173!

[Auðun Gíslason, 24.1.2010 kl. 01:02]

Jón Gnarr hefur eitt til að bera sem góðum stjórnmálamanni er nauðsynlegt:  Hann er athyglisjúkur!  Mér sýnist hann hafa stolið hugmyndinni frá Snorra Ásmundar...

[Ragnar Gunnlaugsson, 24.1.2010 kl. 01:13]

Skelfing er gott að vera ekki vinstrimaður í dag.

[Magnús Jónsson, 24.1.2010 kl. 01:30]

Jóhannes: við þessir rúmlega 30% Flokksins sem kusum tókum þó afstöðu, og úrslitin eru þessi það er lýðræði, sem er líklega eitthvað sem þú getur ekki skilið, við tókum þátt í að raða á lista, sumir okkar eru ekki sáttir við úrslitin, en við völdum að taka afstöðu með 9 aðilum af 18 í prófkjöri, röðin sínir úrslit, þeir sem ekki taka þátt geta ekki kvartað, þaðan af síður þú sem býrð ekki í Reykjavík, og þér kemur þessi kosning ekkert við, hún er fyrir floksbundna Sjálfstæðismenn í Reykjavík, ekki fyrir öfgasinnaða fáráðlinga á Snæfellsnesi, sem greinilega eru á sumum sviðum haldnir alvarlegri veruleikafyrringu eða einhverju sem er verra en það?

[Ólafur Ingi Hrólfsson, 24.1.2010 kl. 07:34]

Jói

er ekkert að gerast fyrir vestan ???

Ég skil vel að þú óttist Hönnu Birnu - hún er glæsilegur leiðtogi borgarinnar og mun halda áfram þeim góðu verkum sem hún hefur unnið asamt öðrum borgarfulltrúum og í samstarfi við minnihlutann í flestum tilfellum.

Hún er semsagt leiðtogi friðar og framfara - en ekki boðberi ruddaorðbragðs né framkomu í samræmi við það.

Farðu nú að slaka á kallinn minn - þetta er orðið nóg hjá þér -

getur þú ekki komist í beitningu eða eitthvað slíkt - það er mannbætandi en pistlarnir sem hefur verið að senda eru það ekki.

[Jóhannes Ragnarsson, 24.1.2010 kl. 09:00]

Kæru vinir, Magnús Jónsson og Ólafur Ingi Hrólfsson. Ég þakka ykkur af hrærðu hjarta allt hólið í minn garð í athugasemdum ykkar hér að ofan. Drottinn blessi og varðveiti ykkur báða í bráð og lengd.

[Stefán Lárus Pálsson, 24.1.2010 kl. 16:42]

Jóhannes R. Mikið er ég hjartanlega sammála þér í þetta skiptið, þessi prófkjörstilraun bláu handarinnar í höfuðstaðnum til hreppsnefndarkosninganna í vor, fór illilega í súginn. Hinn almenni flokksmaður hefur ekki áhuga lengur, og lái þeim hver sem vill! Að blessunin hún Hanna Birna sé einhver ógnvaldur sem fólk eigi að hafa ótta af, er nú full sterk til orða tekið hjá honum Ólafi, en ég skil sárindi sanntrúaðra, þegar vonir um glæsta þátttöku í svona helgiathöfn snúast uppí andhverfu sína, og gefa vísbendingu um háðuglega útreið flokksins með tilheyrandi fylgishruni í komandi kosningum. Magnús, minn, haltu ró þinni, þetta boðar ekki heimsendi, þó þið komið til með að hrökklast frá völdum, þetta kemst upp í vana! Okkur vestlendingum, grönnum ykkar, er alveg heimilt að hafa skoðanir á því sem kemur uppá í höfuðborginni okkar, jafnvel þó það snerti Sjallana þar! Og að lokum : Ég held að það sé bara allt í lagi með hann Jóhannes R. jafnvel þó hann búi vestur á Nesi kallinn!