Svavarsistinn fíflar Bjarna Ben og Kögunarstrákinn

Helvíti er hann Steingrímur nú röndóttur að fífla Bjarna Ben og Kögunarstrákinn með sér til Hollands til að stunda tilgangs- og innihaldslaust kerfiskallaogkellingamal við fjármálaráðherra Hollands og bankamálaráðherra Bretlands.

Á síðustu mánuðum hefur Steingrímur verið að hasla sér völl sem ágætur kapítalisti og kerfiskall hinna auðvaldslegu gilda. Má í því sambandi að segja, að hann hafi komið útúr skápnum, sem er auðvitað mjög gleðilegt utaf fyrir sig. Það hefur svo sem lengi verið vitað að Steingrímur væri býsna mikill velunnari kvótakerfisins illræmda, sem gerði auðvaldsillþýðinu á Íslandi kleyft að stela fiskveiðiauðlind þjóðarinnar til sinna prívatafnota. Linkind Steingríms gagnvart kvótakerfinu hefði eitt og sér, ásamt krónískum undirlægjuhætti hans við Svavar Gestsson og Álfheiði piff Ingadóttur, átt að kveikja ljóstýru í höfðinu á þeim sem telja enn þann dag í dag að pilturinn sé sósíalisti, jafnvel vinstrisósíalisti! En því miður er þessi kúnstugi vinstrihöfðingi einungis svavarsisti, sem merkir hægrisinnaðan mann sem felur sig undir skikkju vinstrisnobbs sem á ekkert skilt við sósíalisma.  

Hollendingar gefa sig ekki

Athugasemdir

[Finnur Bárðarson, 29.1.2010 kl. 21:23]

Þú klikkar ekki :)

[Jón Snæbjörnsson, 29.1.2010 kl. 21:40]

ha hættur að "klikka"

[Jóhannes Ragnarsson, 29.1.2010 kl. 22:48]

Drengir mínir, Finnur og Jón, í guðanna bænum: ekki að reyna að rugla fólk í ríminu, það er víst nógu andskoti ruglað fyrir svo ekki er á þann rugling bætandi.

[Sveinn Elías Hansson, 29.1.2010 kl. 23:03]

 Já . Karlkvikindið hefur sko heldur betur komið út úr skápnum og skellt honum í lás eftir að hann settist í dúnmjúkan ráðherrastólinn.

Þar ætlar hann að sitja næstu 4 árin sama hvað tautar og raular, enda hefur hann allt flokkseigendafélagið með sér.Hinir sem ekki tilheyra flokkseigendafélaginu eru beigðir til hlýðni við þennan undirlægjuflokk samfylkingarinnar.Aldrei hef ég orðið jafn svekktur með nokkurn flokk eins og vg.

Nú er bara eitt til ráða, stofna alvöru vinstriflokk og gera BYLTINGU.

Fyrr gerist ekkert hér á þessu hrunaskeri.