Innantómt froðusnakk efri-millistéttarfémínísta

Samkvæmt þessari Andreu Hjálmsdóttur, er svo að skilja að fulltrúar VG í bæjarstjórn Akureyrar hafi látið undir höfuð leggjast að verja velferðarkerfið; þeir hafi verið gamlir, a.m.k. ekki nógu nýjir; enn fremur að mikilvægt sé að hafa kvenkyns oddvita á lista.

Allt er þetta raup kvenkyns oddvitans innatóm froða, kjaftæði sem ef til vill gengur í krakka sem ekki eru komnir með kosningarétt. Ég er ekki viss um að Baldvin og Kristín SteingrímsJsystir samþykki að hafa ekki varið ,,velferðarkerfið" eða séu svo aldurhnigin að skömm sé að. Hvernig þessi Andrea finnur út, að mikilvægt sé að hafa kvenkyns oddvita á lista VG á Akureyri er mér gjörsamlega hulið, að öðru leyti en því að svona ruglumbull tilheyrir orðbragði efri-milliséttarfémínísta í framapotsstreði. 

Andrea í efsta sæti á Akureyri

Athugasemdir

[Aðalheiður Ámundadóttir, 6.2.2010 kl. 21:32]

Ég kem ekki auga á neina froðu í málflutningi Andreu. Varla lýgur hún þegar hún segir að kallað sé eftir nýju fólki, enda benda fyrstu tölur einmitt til þess...

og ekki sé ég heldur að hún sé að gagnrýna sitjandi fulltrúa, og jafnvel þótt hún geri það þá sé ég bara ekkert að því. Fólk gefur kost á sér í pólitík, ekki síst vegna þess að það vill breyttar áherslur og telur sig hafa eitthvað fram að færa.  Það væri helvíti hart ef nýtt fólk í pólitík mætti ekki gagnrýna þá sem fyrir eru, jafnvel þó þeir séu í sama flokki... 

Vegna gagnýni á áherslu Andreu á kvenkynsoddvita vil ég benda á að í stefnuyfirlýsingu VG segir meðal annars:

Hreyfingin er samstarfsvettvangur og baráttutæki þeirra, sem vilja útrýma kynjamisrétti og tryggja jafnrétti, kvenfrelsi og aukinn jöfnuð í samfélaginu.

[Jóhannes Ragnarsson, 6.2.2010 kl. 21:50]

Það vill þannig til, Aðalheiður, að ég veit nákvæmlega hvernig þessi svokölluðu forvöl VG fara fram, eða öllu heldur, hvaða vinnubrögð og flokkadrættir búa þar að baki.

Ef þú sérð ekki froðusnakkið í málflutningi þessarar Andreu, þá get ég svo sem ekkert hjálpað þér. En það er t.d. ekkert sem bendir til þess að mikilvægt sé að oddviti VG í bæjarstjórn VG sé kvenkyns, að halda slíku fram er þvættingur. Þá hefur Baldvin ekki setið í bæjarstjórninni nema eitt kjörtímabil, svo ekki er hann gamall í hettunni hvað það varðar. Ennfremur veit ég ekki betur en sami Baldvin hafi unnið kosningasigur í síðustu kosningum og staðið sig vel sem bæjarstjórnarmaður á Akureyri.  

[Sveinn Arnarsson, 6.2.2010 kl. 22:07]

Jú sæll Jóhannes, ég er einmitt einn hérna sem get ekki séð froðusnakkið. Þú hinsvegar sérð það og gætir þar að leiðandi bent mér á það snakk. Annars er gaman að sjá hvað þú ert bæði vel að þér um prófkjör innan VG og einnig um bæjarstjórnarflokk VG á Akureyri.

Góðar stundir

[Jóhannes Ragnarsson, 6.2.2010 kl. 22:30]

Því miður, Sveinn Arnarsson draugur, þá hef ég ekki nægan lækningarmátt til að veita blindu fólki sýn.

Þess utan legg ég ekki í vana minn að svara fólki sem hefur læst blogg þar eð ég hef ekki hugmynd um hvaða roðhænsni stendur að baki þessháttar gríni.

[Sveinn Arnarsson, 6.2.2010 kl. 22:37]

kallar mig roðhænsni og draug. Ef þér eruð kunnáttumenn á tölvur ættuð þér að finna án mikilla erfiðleika nokkrar staðreyndir. En fyrst þér eruð ekki nægjanlega vel að yður skal ég hjálpa yður án þess að hika.

 Sveinn Arnarsson (vel að merkja sá eini í þjóðskrá síðast þegar ég gáði)

jafnaðarmaður

25 ára. 

Hafnfirðingur búsettur á Akureyri. 

Góðar stundir

[Jóhannes Ragnarsson, 6.2.2010 kl. 22:41]

Jafnaðarmaður ... 25 ára ... Ja, ekki er kyn þó keraldið leki ...

[Sveinn Arnarsson, 6.2.2010 kl. 22:43]

FOLD