Hvur andskotinn stendur nú til?

Engum blöðum er um að fletta, að hækjulið hins borgaralega fláttskapar er að verða heimaskítsmát gagnvart fólkinu í landinu. Ríkisstjórnin er með allt niðrum sig í Icesave-málinu og helstu valdaklíkur auðvaldsstéttarinnar eru í uppnámi vegna útkomu á skýrslu rannsóknarnefndar Alþingis. Sá andi svífur líka yfir vötnunum að umrædd skýrsla verði í meira lagi óþægileg fyrir fleiri en svikamyllulýðinn í Sjálfstæðis- og Framsóknarflokknum. Hvernig ætli standi til dæmis á einkennilegum flótta Svavarsarmsins í VG til hægri, í fangið á auðvaldinu? Af hverju er Steingrímur J. svona yfirmáta linur gagnvart gjafakvótakerfi LÍÚ-mafíunnar? Og hversvegna eru stjórn og stjórnarandstaða skíthrædd við þjóðaratkvæðagreiðsluna um Icesave-hroðann? Þetta lið virðist að minnsta kosti hafa krækt saman sínum borgaralegu klóm til að koma í veg fyrir almenningur segi sína meiningu í málinu. Hafa Streingrímur, Jóhanna, Bjarni Ben og Sigmundur Davíð eitthvað að fela? Eða hafa þau ef til vill aldrei sagt okkur sannleikann á bak við þetta skítamál? Er kanske líka á stefnuskrá fjórflokksins að reyna að humma fram af sér að rannsóknarskýrslan komi fyrir almenningssjónir?

Það er ljóst að íslenskir stjórnmálaflokkar eru trausti rúnir sem og forystusveitir þeirra. Borgarastéttin á Íslandi hefur málað sig útí horn, - í bili. En vonandi ber þjóðin gæfu til að halda þessum skaðræðisdýrum útí umræddu horni sem allra lengst, - helst til eilífðar. 

  

Forseti Alþingis á fundinum

Athugasemdir

[Jóhannes Ragnarsson, 18.2.2010 kl. 20:18]

Eftirfarandi er athugasemd er tekin af eyjan.is 

,,Líklega er best að Ögmundur kjlúfi flokkinn og komi með nýtt framboð! Þetta er bara orðið hjákátlegt og ljóst að margir vinstri grænir súpa nú hveljur vegna ummæla Björgvins Vals!

Ögmundur myndi klárlega ná fylgi frá öllum flokkum og sérstaklega þeim sem vilja fjórflokkinn burt!

Þá fer væntanlega með Ögmundi það sem ég vil nefna heilbrigði hluti VG!"

[Sveinn Elías Hansson, 18.2.2010 kl. 20:50]

Það hefur aldrei staðið til að gefa þessa skýrslu út, en nú er hyskið búið með öll trikkin sem það kann til að deyfa almenning.

Hyskið er farið að átta sig að stundin er að renna upp, og íhugar nú flóttaleiðir.

[Jóhannes Ragnarsson, 18.2.2010 kl. 21:37]

Ég er farinn að halda það Sveinn.

[Bjarni Kjartansson, 18.2.2010 kl. 21:43]

 Ögmundur gæti stofnað  stóran flokk, hann myndi taka fylgi af öllum flokkum. Eg vona að hann kljúfi sig út úr þessum óskapnaði. Það yrði síðan sterkur leikur hjá Ögmundi að setja  Eirík Stefáns  glímukappa sem sjávarútvegsráðherra. Þá mundi enginn þora að rífa kjaft, ekki einu sinni Árni Johnsen.

[Sveinn Elías Hansson, 18.2.2010 kl. 21:53]

Skorum á Ögmund að yfirgefa þetta hægra Svavarslið þarna í vg, og stofna alvöru vinstri flokk. Ég er með.

[Jóhannes Ragnarsson, 18.2.2010 kl. 21:58]

Tek heilshugar undir með ykkur Bjarni og Sveinn, nema þetta sem Bjarni nefnir varðandi Eirík Stefánsson. Ekki það að LÍÚ eigi ekki skilið að fá einn á trantinn frá Eiríki, en því miður slær félagi Eiríkur helst til of mörg vinhögg.

[Eyjólfur Jónsson, 18.2.2010 kl. 23:22]

Það ekki mikið eftir af vitbornum stjónarmönnum í landinu svo við ættum bara að fá Færeyjinga til að taka við stjórninni í 6-8 mánuði, það þarf ekki meiri tima en það til að koma klíkunni fyrir kattarnef.

Wolfang

[Árni Gunnarsson, 19.2.2010 kl. 22:12]

Mér líst vel á þessa tilraun með færeyska ríkisstjórn á Íslandi og þó með þeim fyrirvara að ráðherrarnir verði þokkalega fullir allan tímann.

Því ef til stendur að hreinsa til í stjórnkerfi og embættismannakerfi á Íslandi þá dugar engin diplomatisk edrúmennska til að ná skjótum árangri. Allt frá þeim dögum er Færeyskir fiskimenn gengu á land á Íslandi til að bjarga íslenskri útgerð hafa fullir Færeyingar verið greindustu menn á Íslandi.