Steingrímur þríhross?

Þessar forláta yfirlýsingar hæstvirts fjármálaráðherra og formanns VG um þjóðaratkvæðagreiðsluna um svarsvædda Icesave-samninginn, minnir mig í fljótu bragði á ekki minni mann en Pétur þríhross framkvæmdastjóra í Sviðinsvík. En Pétur þessi þríhross átti til að gefa út þá yfirlýsingu, þegar hann var drukkin, að hann væri, ,,sku fanen gale mæ, ingen íslandsmann." Þess má geta að umræddur framkvæmdastjóri lýsti því enn fremur stundum yfir þegar hann var sérlega góðu skapi, að hann væri það sem á útlendum tungumálum er kallað ,,sósíalist."

Óvíst hvort Steingrímur kýs

Athugasemdir

[Sigurður Haraldsson, 26.2.2010 kl. 13:54]

Steingrímur kastaði hanskanum hvað gerum við í því?

[Jóhannes Ragnarsson, 26.2.2010 kl. 13:58]

Við verðum bara að fara okkar leið, Sigurður, Steingrímslausir og án Álfheiðar og svavarsfjölskyldunnar.

[Sveinn Elías Hansson, 26.2.2010 kl. 20:03]

Kljúfum flokkinn, stofnum alvöru vinstriflokk.

[Jóhannes Ragnarsson, 26.2.2010 kl. 22:22]

Steingrímur og hans lið hefur klofið flokkinn með groddalegri og andvinstrisinnaðri framgöngu sinni, svo það ætti með réttu að vera einungis formsatriði að stofna alvöru vinstriflokk. Hitt er svo annað mál hvort allir séu tilbúnir til að stökkva á þessum tímapunkti. Fyrir mitt leiti held ég að ekki sé eftir neinu sérstöku að bíða í þeim efnum.

[Hrafn Arnarson (IP-tala skráð) 27.2.2010 kl. 20:46]

Yfirlýsing Steingríms er undarleg. Það liggur fyrir tilboð sem er betra en umræddur samningur. Kosningar eru því tímaskekkja og marklausar í venjulegum skilningi. Þær hafa hins vegar táknrænt gildi og ef til vill gildi út á við. Hins vegar er algerlega út í hött að greiða akvæði með samningi sem en verri en sá sem nú stendur til boða.

[Jóhannes Ragnarsson, 27.2.2010 kl. 21:58]

Fyrst að betri samningur er mögulegu, er þjóðaratkvæðagreiðsla um áramótasamninginn léttvæg, í besta falli táknræn, eins og þú segir Hrafn.

En eftrir allt sem á undan er gengið finnst mér óhjákvæmilegt annað en nýrri og betri samningur verði eftir sem áður lagur í þjóðaratkvæði. Ég hef á tilfinningunni að fólkið í landinu vilji eiga síðasta orðið varðandi Icesave.

[Hrafn Arnarson (IP-tala skráð) 28.2.2010 kl. 12:01]

Ég er sammála þessu síðasta og það sem merkilegt er líka sammála Styrmi Gunnarssyni en hann vill hafa þjóðarakvæðagreiðslur um öll mikilvægari mál. Valdaklíkur stórar og smáar hafa stjórnað landinu og það sem skiptir máli er að brjóta þetta vald á bak aftur. Það er sérkennilegt til þess að hugsa að meir að segja EB hefur áhyggjur af skipan dómara hér á landi.