500 skeinisblöð

Það er algjör óþarfi, raunar óþolandi, að Rannsóknarnefnd Alþingis frest útkomu skýrslu sinnar trekk í trekk útaf 500 skeinisblöðum frá óalandi ribbalda sem koma við sögu í skýrslunni. Það hefði verið yfrið nóg fyrir umrædda ribbalda að koma sínum vafasömu pappírum á framfæri eftir að skýrslan væri komin út. Og til hvers að gera gælur við skrælingjalýð á borð við þann sem með athöfnum sínum og athafnaleysi komu þjóðinni á kaf ofaní forarvilpukviksyndi niðurlægingar og hörmunga? Í hugum flestra landsmanna eiga umræddir ódámar ekki nokkurn einast siferðilegan rétt á andmælum. Landsmenn vilja að skýrsla Rannsóknarnefndar Alþingis verði gerð opinber strax, vegna þess að hún varðar sömu landsmenn ekki síður en hina óaladi ribbalda og illlyktandi skeinisblöð þeirra, 500 að tölu. 

Skýrslunni enn frestað

Athugasemdir

[Tryggvi Þórarinsson, 26.2.2010 kl. 19:20]

Það er örugglega verið að hreinsa til í skýrslunni engin spurning, þess vegna fáum við aldrei að sjá orginal skýrsluna. Spurning hvað hægt er að gera?

[Sveinn Elías Hansson, 26.2.2010 kl. 20:02]

Engin var sekur um glæpi eða vanrækslu í starfi, og málið því látið niður falla, eftir að skeiniblöðin 500 bárust nefndinni.

Nefndin misskildi allt frá upphafi.

[Jóhannes Ragnarsson, 26.2.2010 kl. 22:33]

Það leikur enginn vafi á að nefndin hefur misskilið grínið og farið að taka sig alvarlega. Það stóð aldrei til hún færi að bera sakir á gott fólk.

[Eyjólfur Jónsson, 26.2.2010 kl. 23:47]

Tryggvi! það er nú þegar stór hópur sem eru í startholonum og bara bíða eftir eftir startskotinu til að hreinsa út valdaklíkuna. Svo einfalt er það. Og Jóhannes, þeir bera ekki sakir á gott fólk, þeir bera sakir á vont fólk!!En það satt þetta með skeinisblöðin?