Átök í forvali VG í Kópavogi

Í forvali VG í Kópavogi í dag takast á um fyrsta sæti þau Karólína Einarsdóttir og Ólafur Þór Gunnarsson bæjarfulltrúi og um annað sæti Þórir Steingrímsson og Guðný Dóra Gestsdóttir. Talið er að mjótt geti orðið á mununum.

Ólafur Þór og Guðný Dóra (systir Svavrs Gestssonar) eru fulltúar flokkseigendafélags VG þar sem Svavar Gestsson, Álfheiður Ingadóttir og Steingrímur J. ráða ríkjum.

Karólína og Þórir eru hinsvegar fulltrúar hinna almennu félaga í VG sem vilja halda raunverulegri, sígildri vinstristefnu á lofti í störfum sínum.

Á þessu kjörtímabili hefur Ólafur Þór setið í bæjarstjórn fyrir VG við dapran orðstýr, þótt frámunalega atkvæðalítill og það svo að flestum félagsmönnum VG í Kópavogi sem hafa kynnt sér störf hans í bæjarstjórn blöskrar. Uppá síðkastið hefur bæjarstjórnarmaðurinn Ólafur Þór verið býsna duglegur við að hringja í væntanlega kjósendur í forvalinu til að minna á sig, en einkum þó og sér í lagi að kasta rýrð á meðframbjóðendur sína. Það hefur sem sé verið meginþema í símamálflutningi Ólafs Þórs, að reyna að fleyta sjálfum sér áfram í forvalinu með dylgjum og jafnvel rógi um þá sem honum stendur mest ógn af, þ.e.a.s. þeim Karólínu og Þóri Steingríms. Þessi vinnubrögð eru að vissu leiti skiljanleg, því ekki hefur Ólafur Þór af miklu að státa varðandi störf sín í bæjarstjórn Kópavogs. 

 

Átta prófkjör á sex stöðum

Athugasemdir

[Sveinn Elías Hansson, 27.2.2010 kl. 12:15]

Væri ekki hreinlegra að manngreyið hætti bara, heldur en að reyna að sverta aðra.

Svona málflutningur eins og hans er dauðadæmdur, eins og hans pólitíska líf.

Held að hann ætti að snúa sér alfarið að öldrunarlækningunum.