Er einhver óþverri í vatninu í Reykjanesbæ?

Þeim er ekki fisjað saman í þessum Reykjanesbæ fremur en fyrri daginn. Ekki er nóg með að þeir hafi sérstakt dálæti Sjálfstæðisflokknum, sem nýverið lagði efnahag íslensku þjóðarinnar í rúst með fáheyrðum frjálshyggjuviðbjóði og últraspillingu, heldur flykkjast þeir eins og soltnar tíkur á kjörstað til þess eins að kjósa frjálshyggju- og spillingarfyrirbærið Árna Sigfússon í fyrsta sæti Sjálfstæðisflokksins.

Það er ekki nema von að þeir sem stenda álengdar og horfa á þessi skrípalæti spyrji sjálfa sig í forundran, hvort vesalings fólkinu í Reykjanesbæ sé ekki sjálfrátt, sé ekki við bjargandi, og svari sjálfu sér að bragði, því svarið liggur nefnilega í augum uppi: - Nei, því er ekki við bjargandi.

Hvernig á þessum ósköpum stendur þarna suður með sjó er ekki auðvelt að fá botn í. Mér er næst að halda að einhver óþverri sé í neysluvatninu hjá fólkinu, máske gamalt kanapiss frá blessaðri burtsofnuðu herstöðinni á Miðnesheiði. Það væri að minnsta kosti þess virði að setja upp vatnsrannsóknarstöð á herspítalanum góða til að komast að því hvort vansból Reykjanesbæjara séu menguð af mannskemmandi ólyfjan, sem geri fólk svo ruglað í höfðinu að því þyki sjálfsagt að kjósa Árna Sigfússon í prófkjörum og bæjarstjórnarkosningum.  

Árni Sigfússon með 92% atkvæða

Athugasemdir

[Sveinn Elías Hansson, 28.2.2010 kl. 12:06]

Allt er í rúst eftir stjórn þessa flokks, bæði í landsmálunum, og einnig í Reykjanesbæ. Þessi gjörspillti flokkur kennir núverandi ríkisstjórn um allt saman,fólkið þarna í bænum tekur þessu sem heilögum sannleik, flykkist á kjörstað og kýs yfir sig sama hrunadansinn áfram.

Það er ekki nema von að spurt sé , hvort neysluvatnið sé eitthvað skrýtið.Allavega virðist minni þessa fólks eitthvað skrýtið.

[Blaðamenn Foldarinnar, 28.2.2010 kl. 13:32]

Þið aumu menn, Jóhannes Ragnarsson og Sveinn Elías Hansson, ykkur á eftir að verða hált á svívirðingum ykkar í garð duglegra og víðsýnna heiðursmanna eins og Árna Sigfússonar, sem nýtur óskoraðrar hylli samborgara sinna. Þið eruð siðlaus úrhrök.

[Sveinn Elías Hansson, 28.2.2010 kl. 14:16]

´Hittum við á veikan blett hjá einhverjum sem þykist vera blaðamaður.Þessi blaðamaður getur ekki einu sinni skrifað rétt eins og sést á síðu hans.Þannig að skrif hans eru ekki mikils virði.

[Blaðamenn Foldarinnar, 28.2.2010 kl. 14:34]

Ég nenni nú ekki að elta ólar við nafnlausa drullusokka.

[Sveinn Elías Hansson, 28.2.2010 kl. 14:58]

Hver er nafnlaus drullusokkur hér.

Ert það þú?

[Jóhannes Ragnarsson, 28.2.2010 kl. 16:01]

Það aldeilis hugguleg skepna þetta foldarræxni. Ef mér skjátlast ekki því meir, þá er þarna á ferðinni sjálfstæðismaður í Reykjanesbæ sem ekki er runnið af síðan í gærkvöldi.

[Sveinn Elías Hansson, 28.2.2010 kl. 16:30]

Jóhannes skoðaðu síðuna hjá karluglunni.

[Jóhannes Ragnarsson, 28.2.2010 kl. 18:20]

Skoðaði garminn. Hann er bilaðri en ég hélt.

[Eyjólfur Jónsson, 28.2.2010 kl. 20:00]

Já já og hann er að eltast við ella sem ekki elska s. flokkinn eins og nasistar elskuðu Hitler.

[Eyjólfur Jónsson, 28.2.2010 kl. 20:18]

En það er satt að vatnið er eða var ekki gott í Keflavík. Ég keyrði tankbíl inn og út af vellinum og sá og skoðaði safnstöðina þar sem spillingarefninu var dælt í stóra tanka. Getur verið að þetta séu hugsanaspillingaráhrif þarna á nesinu?