Krafan á hendur sjálfstæðismönnum er ...

Flokkurinn minn, Flokkurinn minn. Ekki voru Torgerður Kattrín og félagar mikið að hugsa um orðspor Flokksins síns þegar græðgisvæðingin stóð sem hæst. Hinsvegar er þessum ræflum nokkur vorkun því græðgi og ójöfnuður eru tvær af helstu grunnstoðunum í eðli Flokksins, sem er langtum æðri Guði Almáttugum í vitundarlífi Torgerðar og annarra sjálfstæðishrossa; hann er einhverskonar ofurjólasveinn sem gefur börnum sínum gjafir í krafti eðlis síns. Ef þessi ofurjólasveinn geyspar golunni verður grátur og gnístran tanna í ríki græðgis- og ójafnaðarsinna, ekki síðri en gerist og gengur í heimkynnum fordæmdra í sjálfu Víti.

En það er ekki nóg að Torgerður segi af sér sem varaformaður Sjálfstæðisflokksins og taki sér leyfi frá þingstörfum ásamt Illuga Gunnarssyni. Krafan á hendu sjálfstæðismönnum er að þeir leggi Flokkinn sinn niður orðalaust, áður en hann verður bannaður með lögum eins og hver önnur illræðis- og glæpasamtök.

Skýrsla Rannsóknarnefndar Alþingis sannar svo um munar hvert eðli samtakanna, sem kenna sig við sjálfstæði, er. Skýrslan er einn alsherjar áfellisdómur yfir þessum illræmda flokki og í raun ákall um að hann verði fjarlægður af sviði íslenskra stjórnmála.

Þorgerður stígur til hliðar

Athugasemdir

[Ragnhildur Kolka, 17.4.2010 kl. 12:20]

"Flokk(ur)inn......bannaður með lögum eins og hver önnur illræðis- og glæpasamtök" segir þú.

Það kom að því að þessi hugmynd skyti upp kollinum. Það hefur alltaf verið grunnt á henni hjá vinstrimönnum og hún var alsráðandi þar sem kommúnistar komust til valda. Þar voru menn dæmdir í þrælkunarvinnu eða aflífaðir fyrir að hafa aðra skoðun en ríkið leyfði.

Nú þegar er farið að örla á þessari hugmyndafræði hér og eins og fyrr byggja bönnin á því að það sé mönnum fyrir BESTU.

[Jóhannes Ragnarsson, 17.4.2010 kl. 14:04]

Já. bannaður eins og hver önnur illræðis og glæpasamtök. Hvað á annað að gera þegar hópsamtök, jafnvel þó þau heiti Sjálfstæðisflokkur, leggja heila þjóð á hliðina með starfsemi sinni?

Og hvað ætli kapítalisminn, sem Sjálfstæðisflokkurinn stendur fyrir, hafi mörg mannslíf á samviskunni?; margar milljónir mannslífa á samviskunni? Annars er hálf annkannanlegt að tala um samvisku kapítalismans þar eð eitt af helstu hreyfiöflum hans er samviskuleysi.

[Ragnhildur Kolka, 17.4.2010 kl. 19:40]

Ég veit þér líður best í skítkastinu, en sértu læs og gefir þú þér tíma til að lesta skýrsluna muntu sjá hverjir lögðu samfélagið á hliðina. Þú þarft ekki einu sinni að lesa öll bindin samantektin er í 21. kafla.

[Jóhannes Ragnarsson, 17.4.2010 kl. 20:31]

Það var Sjálfstæðisflokkurinn sem lagði þjóðfélagið á hliðina. Um það þarf ekki að deila. Hinsvegar er enn til slangur af fólki sem er illa hrjáð af sjálfstæðisflokksblindunni svokölluðu. Sumu af þessu ógæfusama fólki verður ekki bjargað, blindan mun fylgja því í gröfina.

[Hamarinn, 17.4.2010 kl. 23:05]

Auðvitað á sjálfstæðisflokkurinn engan einasta þátt í því hvernig fór hér á landi. Hann hefur ekki komið nærri ríkisstjórn áratugum saman, hann gaf heldur ekki einkavinum sínum landsbankann, svo þú hlýtur að sjá Jóhannes að þetta er allt strangheiðarlegt fólk sem er í og styður þennan flokk. Þú hlýtur að vera kommúnisti!

[Árni Gunnarsson, 17.4.2010 kl. 23:18]

Það var lofsverð tillitsemi af almættinu að hlífa hjartahreinum liðsmönnum Sjálfstæðisflokksins við eitri flokksgagnrýninnar.

Meira að segja rassskelling hrunskýrslunnar á Davíð seðlabankaaula er lofsöngur í eyrum þeirra margra. Sumir ganga svo langt að segja að skýrslan staðfesti það sem þeir sjálfir hafi alltaf haldið fram að í dag sé það engum núlifandi manni fært að stýra þessari þjóð til farsældar öðrum en Hinum Mikla Leiðtoga.