FFF og ormaveika tíkin í Skotakoti

Engan þarf að undra að Flokksráðs- Formanna og Frambjóðendasamkoma (FFF) Sjálfstæðisflokksins skuli lýsa yfir eindregnum stuðningi við formanninn Bjarna Benediktsson. Það hefði heldur ekki komið á óvart þó FFF hefði lýst yfir jafn eindregnum stuðningi við Davíð Oddsson og Gjeir Haaarde. Og hefði verið borin upp stuðningsyfirlýsing á fundinum við Hanez okkar hérna Holmstone og ormaveiku tíkina í Skotakoti, hefði hún einnig verið samþykkt með eindregnu lófaklappi og húrrahrópum.

Í bókinni Atómstöðin, eftir Halldór Laxness, kemur félag eitt við sögu hvers nafn er skammstafað FFF, alveg eins og Flokksráðs- Formanna og Frambjóðendasamkoman, sem haldin var í Reykjanesbæ í morgun. FFF. Reyndar heitir stofnunin ,,FFF" í Atómstöðinni ekki Flokksráðs- Formanna- og Frambjóðendasamkoma, heldur FaktúruFölsunarFélagið, FFF. En á þessum tveimur FFF-fyrirbærum er aðeins örlítill stigsmunur en ekki eðlis.

Lýsa yfir stuðningi við Bjarna

Athugasemdir

[Hrólfur Þ Hraundal, 17.4.2010 kl. 22:39]

Þar sem ég geri ráð fyrir að þú styðjir þitt fólk, þá er það nokkuð fyndið að þú skulir amast við því að víð sjálfstæðismenn styðjum okkar fólk. 

Það að þú viljir banna Sjálfstæðisflokkinn lýsir þér betur en ég á orð til.

[Hamarinn, 17.4.2010 kl. 22:59]

Hraunið er farið að renna! En það vill til að það kólnar fljótt.

[Hrólfur Þ Hraundal, 17.4.2010 kl. 23:23]

Hef sveflað mörgum þínum líkum á steðjanum, annars ert þú líkast til pakkninga hamar.

[Hamarinn, 17.4.2010 kl. 23:40]

Svo er til berghamar.

[Sigurður Haraldsson, 18.4.2010 kl. 03:03]

Hrólfur ert þú einn af þeim sem ætlar að fórna lýðræðinu fyrir flokksræðinu? Við erum búin að sjá hvernig það endaði en sjálfstæðisflokkurinn og hans formaður ekki.

[Jóhannes Ragnarsson, 18.4.2010 kl. 10:59]

Hvernig væri það, Hrólfur, að þið sjálfstæðismenn færuð að skoða, með opnum huga og fordómalaust, gjörðir ,,ykkar fólks" sem þið hafið valið til trúnaðarstafa.

[Sigurður Haraldsson, 18.4.2010 kl. 16:26]

Við erum orðin þreytt á þessu ójafnræði sem í okkar landi ríkir það getur Bjarni B ekki langað vegna þess að hann er ekki í neinum tengslum við okkur!