Svandís rokkar

Ekki verður af stuttbuxnahvolpum Svavars, Álfheiðar og Steingríms í VG skafið, að þar fara frábærlega efnilegir einstaklingar og andríkir. Fyrir utan að vera ámóta róttækir til vinstri og hænurnar hennar Gýrfríðar gömlu í Skotakoti, eru þessi útvöldu dekurdýr fyrrnefndra þremenninga einstaklega vel að sér og útsjónarsöm þegar kemur að því að búa til texta til að auglýsa pólitíska stórviðburði, eins og eftirfarandi auglýsing á heimasíðu VG sannar svo um um munar:

 

,,Svandís rokkar hjá Ungum vinstri grænum

28.4.2010

Miðvikudagsköldið 28. apríl bjóða Ung vinstri græn til fundar með umhverfisráðherra, Svandísi Svavarsdóttur. Svandís ætlar að kynna starfsemi ráðuneytisins með sérstakri áherslu á hið nýja hugtak, umhverfisfemínisma. Fundurinn fer fram í kosningamiðstöðinni að Suðurgötu 10 í Reykjavík og hefst klukkan 20."

Nú er um að gera fyrir glaðsinna fólk og spaugsamt, að mæta í Suðurgötuna í kvöld, klukkan 20:00 stundvíslega, til að njóta þess að sjá og heyra krónprinsessuna Swandeesy Sendiherrans rokka lafmóða um umhverfisfémínísma.

En svona utan dagskrár: Hver sjálfur andskotinn er ,,umhverfisfémínísmi"? Máske snyrtivörukynning? Skógræktarsýsl yfirstéttarkellínga? Eða einhver hætta sem umhverfinu stafar af ásókn efri-millistéttarfémínísta í stjórastöður?

Aðrir ráðherrar ekki sloppnir

Athugasemdir

[Hamarinn, 28.4.2010 kl. 20:20]

Það vill nú til Jóhannes að ég hef séð gripinn rokka. Þær voru góðar saman á gólfinu hún og Birna Þórðardóttir.