Kolbeinn Kolbeinsson og Indriði handreður haldlagðir

Það skal hér með upplýst, að hinn stórbrotni og borubratti Sigurður Einarsson bankavesír og hrunadansari, hefur um langt skeið verið aldeilis mikill vinur heiðurshjónanna Kolbeins Kolbeinssonar og frú Ingveldar. Þegar sú frétt flaug um landið, að búið væri að gefa út handtökuskipun á umræddan Sigurður Einarsson og hann komin á lista yfir eftirlýsta ójafnaðarfurta af sjálfu Interpól, brast á óumræðileg sorg á heimili Kolbeins og frú Ingveldar. Þau byrjuðu á að leggjast í hjónarúm sitt með fulla volkaflösku á milli sín, sem þau supu klunnalega á á milli gráthviða þar til þau lognuðust útaf eins og fársjúk roðhænsn. Morguninn eftir tóku þau daginn semma og héldu áfram áfengisneyslu og grátköstum strax í rauðabítið. Um hádegið kom sameiginlegur vinur þeirra hjóna og Sigurðar Einarssonar, Indriði handreður í heimsókn til þeirra ásamt með dráttkvendi sínu, Máríu, sem kölluð er borgargagn til aðgreiningar frá öðrum Máríum. Og færðist þá ögn líf í leikinn.

Ekki þarf að orðlengja hvað hin gestkomandi hjú tóku til bragðs með Kolbeini og frú Ingveldi - þið vitið það sem kunnið að ríma. Nema hvað helvítis lögreglan haldlagði Kolbein Kolbeinsson um eftirmiðdaginn fyrir að pissa alsnakinn á gangstéttina fyrir framan heimili sitt. Enn fremur lagði lögreglan Indriða handreð í járn fyrir ósæmilegt háttarlag útí stofuglugga Kolbeins og frú Ingveldar, en börðu frú Ingveldi og Máríu borgargagn með kylfum af því að þær reyndu að varna lögreglunni að vinna verk sín.

Af þessu má ljóst vera, af hverju Sigurður Einarsson þorir ekki til Íslands. Fyrst lögreglan vílar ekki fyrir sér að handtaka og haldleggja stórvini hans, Kolbein Kolbeinsson og Indriða handreð og leggja til lagsvkenna þeirra hvítmáluðum tréstautum, hverju má þá einn hrunin bankavesír í góðum holdum eiga von á hjá réttvísinni á því vanþakkláta landi, Íslandi?  

Handtökuskipun alltof harkaleg

Athugasemdir

[Árni Gunnarsson, 19.5.2010 kl. 00:03]

Maður fær bara gæsahúð við að lesa þetta.

Veistu til að svona vinnubrögð tíðkist hjá öðrum þjóðum hér á vesturhvelinu norðanmegin?

[Ingibjörg Friðriksdóttir, 19.5.2010 kl. 20:11]

Dónastrákur!

[Jóhannes Ragnarsson, 19.5.2010 kl. 20:37]

Nei, Árni, ég veit ekki um sambærileg vinnubrögð annarsstaðar í veröldinni.

Ha, hver er þessi ,,dónastrákur", Ingibjörg? Þú verður að svara því. Áttu við Sigga konduheim, Kolbein vin okkar eða Indriða handreð, einn þeirra eða alla? 

[Ingibjörg Friðriksdóttir, 19.5.2010 kl. 21:56]

Ég á ekki við strákinn Tuma heldur bloggaran Jóa Ólsara

[Jóhannes Ragnarsson, 19.5.2010 kl. 22:17]

Það get ég sagt þér fyrir satt, Ingibjörg, og sannara orð ekki talað, að ég hefi aldrei á ævi minni haft dónaskap um hönd og verskulda þar af leiðandi ekki sæmdarnafnbótina ,,dónakall."

Þannig er nú það, skohh.