Jóhannes Ragnarsson

25.5.2010 | 19:40

Tannlausir sjakalar

Það er útaf fyrir sig gott og blessað, að skrifstofusjakarnir í ASÍ reyni að mynda sig við að bera tannlausa góma sína. En betra væri þó að vita hvað þessi grey meina með brölti sínu þessa dagana. Í viðtalinu við Grönvold aðstoðarframkvæmdastjóra kemur nefnilega ekki nokkur skapaður hlutur fram sem hann og hinir sjakalarnir vilja. Mér er næst að halda að spangólin í kvikindunum stafi fyrst og fremst af þóknunargleði þeirra við atvinnurekendur og dálæti á patentlausnum eins og stóriðju og ESB.

Á tímum góðærisloftbólunnar tóku sjakarnir í ASÍ að fullu þátt í þeim ljóta leik að ljúga til um laun og kaupmátt verkafólks, leika sér með lífeyrisinnistæður launafólks við rúllettuborð kapítalismans og styðja dyggilega við þenslu- og frjálshyggjupólitík Sjálfstæðisflokksins. En þegar gróðabrallið hrundi og fólkið streymdi niður á Austurvöll til að mótmæla, skriðu skriftofusjakalarnir eins og huglaus hænsni undir borð, enda lætur þeim betur að sitja í sölum borgarastéttarinnar en að blanda geði við róttæka alþýðu. Og á baráttudegi verkafólks, 1. maí 2009, var yfirsjakalinn Gylfi Arnbjörnsson baulaður niður þegar hann hélt hátíðarræðu á Ingólfstorgi.

	Undirbúa verkföll
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Breytt s.d. kl. 19:45 | Facebook

Athugasemdir

Það þarf nú að fara að henda þessu samfylkingarliði út úr húsum verkalýðshreyfingarinnar og fá þangað alvöru verkalýðssinna, ekki ESB aðdáendur.

Hamarinn, 25.5.2010 kl. 21:55

Eyðileggjandi og úrkynjandi hönd Samfylkingarinnar og ESB-stóðsins hefur gert samtök launafólks að fullkomnu skrípi.

Það þarf ekkert minna en að stofna verkalýðshreyfinguna uppá nýtt, án sjakalanna, ef hún á að standa undir nafni í framtíðinni.

Jóhannes Ragnarsson, 25.5.2010 kl. 22:20

Ég er með í því.

Hamarinn, 25.5.2010 kl. 22:38

Ég vill fá sér félag fyrir gröfukallana. Það er á þeim sem allt stendur og fellur í vega byggingaframkvæmdum. Minnst 10-15 ára reynslu þarf til að koma verkinu sómasamlega frá sér og það verður að borga vel fyrir þann þrældóm og slit á skrokknum sem það kostar strákana.

50 cal & 55tonn

Eyjólfur Jónsson, 27.5.2010 kl. 00:22