Tilögur að hæfilegum bæjarstjórum fyrir Ísfirðinga

Í ljósi þess að fyrir liggur að tveir fyrrum borgarstjórar af gildasta kalíberi ganga nú um atvinnulausir, þurfa Ísfirðingar ekki að kvíða því að fá ekki brúklegan rass í stól bæjarstjóra á Ísafirði. Í Kópavogi háttar nefnilega þannig til, að þeirra eini borgrarstjóri fyrr og síðar, Gunnar I. Birgisson, verður ekki endurreistur þar um slóðir í bráð. Þá bárust þau gleðitíðindi út í hádeginu í dag, að Steinunn Valdís Óskarsdóttir hefði látið verða af hótun sinni og sagt af sér þingmennsku.

Það er mitt álit, og fjölmargra annarra, að Gunnar I. og Steinunn Valdís séu fullgóðir bæjarstjórar handa Ísfirðingum, helst bæði í einu. Ef fyrrnefnd skötuhjú vilja ekki, sökum ódöngunar og fúllyndis, hlunkast vestur til að gegna bæjarstjórastöðu, verða Ísfirðingar að velja næstbesta kostinn og skipa Dána Kálf í embætti bæjarstjóra hjá sér. 

Samkomulag á Ísafirði

Athugasemdir

[Hamarinn, 31.5.2010 kl. 21:59]

Það má nefna líka. Lúðvík Geirsson, Sigrúnu Björk, Gunnstein í kópavogi, Hönnu Birnu, og þann sem tapaði Hólminum.

[Hamarinn, 31.5.2010 kl. 22:00]

Svo má nú ekki gleyma Kát litla sem lærði til borgarstjóra í Edinborg.

[Jóhannes Ragnarsson, 31.5.2010 kl. 22:24]

Þá gætu þeir þarna fyrir vestan borið víurnar í Ólaf F. ef Dáni vill ekki setjast í bæjarstjórastólinn.

[Jón Snæbjörnsson, 31.5.2010 kl. 23:39]

"veður" þú ekki bara sjálfu "vestur" úr stígvélavíkinni Jóhannes - treysti þér alveg til góðra verka þar eins og ..... jamm eins og uuhhh

[Anna Sigríður Guðmundsdóttir, 1.6.2010 kl. 00:34]

Ha ha! Gunnarinn var eins og sæljón sem reist hafði verið upp á endann? M.b.kv.