Fyrr má nú vaða botnlausan elginn

Ég var að enda við að hlusta á Grím þennan Atlason á Rás 2, þar sem hann óð elginn um eitthvað sem ég gat með engu móti fengið nokkrun botn í. Mér skildist þó einna helst að hann væri að tala um eitthvað sem viðkemur pólitík og úrsögn hans úr VG. En því miður var Grímur svo gjörsamlega óskiljanlegur að engin leið var að henda reiður á hvað hann var að fara.

Nú er það mála sannast, að Grímur þessi hefur gert heiðarlegar tilraunir til að príla upp framboðslista hjá VG, en verið hafnað, og má í því samhengi álíta sem svo, að karlanginn sé þess vegna, að minnsta kosti, ofurlítið móðgaður útaf tómlæti og áhugaleysi flokksmanna á honum. En það væri samt lágmarkskurteisi af Grími Atlasyni, vilji hann deila opinberlega á menn og málefni í VG, að hann geri það á skiljanlegan og rökstuddan hátt, svo enginn þurfi að velkjast í vafa um hvað hann er að meina.  

Grímur yfirgefur VG

Athugasemdir

[Gunnar Heiðarsson, 1.6.2010 kl. 18:38]

Það versta er þó að undir lok viðtalsins sagðist þessi maður ætla að vera í pólitík áfram, hann vissi reyndar ekki hvar eða hvernig. Við eigum því sennilega eftir að þurfa að hlusta á bullið úr honum næstu árin!

[Jóhannes Ragnarsson, 1.6.2010 kl. 20:06]

Svo hefur Grímsi, af einhverjum átæðum, býsna greiðan aðgang að fjölmiðlum til að koma á framfæri sínum hátíðlegu þokuskoðunum. Að hann viti ekki hvar eða hvernig hann ætlar að vera áfram í pólitík er ágætlega í samræmi við annað hjá kallhólknum. En það má Grímur eiga, að honum langar alveg óskaplega að verða áberandi pólitíkus, þrátt fyrir litla eftirspurn þar að lútandi.