Brjóstumkennanlegur kjánaskapur í Kópavogi

Mikil þó bölvuð sauðnaut eru þessir gripir sem standa að nýjum meirhluta í bæjarstjórn Kópavogs. Ég á andskotann ekki eitt einasta orð yfir svona kórvillu. Fyrst vesalings meirihlutinn hafði ekki döngun í sér, eða yfirsást af tómri glópsku, að ráða Gunnar I. Birgisson borgarstjóra Kópavogs, þá hefðu þessi grey átt að gera Óla (mis)góða úr svavarshjörðinni í VG að bæjarstjóra.

Svona frammistaða er hreint klámhögg, ef ekki súrrealískur skepnuskapur.

Best gæti ég trúað að þessi Guðrún Pálsdóttir sé ekki til og hafi aldrei verið til, nema hausunum á meirihlutafólkinu. Sennilega hefur slegið útí fyrir þeim af súrefnisskorti í reykfyllta bakherberginu þar sem þau voru að pukrast við að skálda upp meirihlutann í bæjarstjórn Kópavogs.

Nýr bæjarstjóri Kópavogs

Athugasemdir

[Magnús Helgi Björgvinsson, 4.6.2010 kl. 17:48]

Fólk vildi fá faglegan bæjarstjóra. Öllu faglegri getur hann ekki verið Auk Þess sem að oddvitar allra framboðana verða því að taka þátt í að fronta bæinn. Þ.e. koma fram fyrir hans hönd. Guðrún verður meira í rekstri og stjórnsýslu:

Guðrún er fædd 7. desember 1956, búsett í Kópavogi. Var fjármála- og hagsýslustjóri Kópavogsbæjar frá 1986 til 2008, en tók þá við starfi sviðsstjóra tómstunda- og menningarsviðs Kópavogsbæjar.  Guðrún hefur auk þess gegnt stöðu bæjarritara og bæjarstjóra Kópavogs tímabundið. Hún er viðskiptafræðingur frá Háskóla Íslands.

Formaður bæjarráðs verður Guðríður Arnardóttir oddviti Samfylkingarinnar

Forsetar bæjarstjórnar verða:  Ólafur Þór Gunnarsson oddviti Vinstri Grænna 

og

Hjálmar Hjálmarsson oddviti Næst-besta flokksins.

[Jóhannes Ragnarsson, 4.6.2010 kl. 19:04]

Frekar vil ég laglegan borgarstjóra, eins og Gunnar I. í Kópavogi, en faglegan bæjarstjóra með hækjur og axlabönd.