Krataeðlið er áskapað þessum kratageitum

Ef menntamálaráðherra og ríkisstjórnin hafa raunverulegan áhuga á sparnaði í skólakerfinu ætti að vera hendi næst fyrir þau að klippa algjörlega á peningaausturinn í ,,einkareknu" pungaprófsháskólana. Ef auðvaldið vill reka einkaskóla þá skal það gera það með sínum eigin peningum í stað þess að laumast í ríkissjóð til að halda þessum fáránlegu sínum uppi.

En það er auðvitað borin von að auðvaldslepparnir í núverandi ríkisstjórn hafi áhuga á að styggja peningahyggjustóðið í einu eða neinu, enda á umrætt stóð heldur betur hauka í horni þar sem Steingrímur J., Katrín Jakobs, Jóhanna Sig og Árni Páll eru. Enda hafa slíkar kratageitur æfinlega verið styrkustu hækjur kapítalismans, það gerir krataeðlið sem þessum greyjum er áskapað.

Piff. 

Aukið samstarf og verkaskipting háskóla

Athugasemdir

[Eyjólfur Jónsson, 17.6.2010 kl. 22:27]

Og væri kannski tímabært að fara að nota sömu aðferðir og klíkan. Það er að við, almenningur búum til okkar klíku,okkar banka,okkar skóla,okkar flugfélag,okkar lífeyrissjóð, okkar fiskiflota, okkar kvóta og okkar gjaldmiðil og okkar tryggingar og sjúkrahús. Og okkar vinnufrið. Þetta er ansi mikið "okkar" en akkúrat eins og það er í dag nema öfugt. Og þeir eru orðnir ansi margir sem tala um svona og með svipaðar hugmyndir. Sumir vilja barsmíðar og byltingu. Ég styð "okkar" félagi Jóhannes!

[Þórdís Bára Hannesdóttir, 18.6.2010 kl. 08:50]

Guði sé lof fyrir kratana.

[Eyjólfur Jónsson, 18.6.2010 kl. 14:15]

Félagi Jóhannes nennir ekki að svara þessu svo ég geri það að einhverju leiti. Ég sé ekki krata né krota, gjörsamlega óspiltur maður sem ég er í pólitík. Ég sé það sem ég kalla fyrir "klíkuna" og er það eina vandamálið í okkar þjóðfélagi. Þar sem rúmlega helming daga minna hefur verið varið erlendis, sé ég alltaf hlutina "aðeins öðruvísi" en ef svo hefði ekki verið. Þar að auki var Guð ekki í því að skapa krata og get fært sönnur fyrir því!

[Eyjólfur Jónsson, 21.6.2010 kl. 17:19]

Jóhannes, í órafjarlægð einhvers staðar inni í heilanum á mér man ég eftir "gammossíunasistar" ég man ekki hvar ég las þetta, en af því að þú ert svona með þeim vitrari bloggurum, hvaða afkvæmi eru þetta.? Getur þetta verið séruppalin mannkindategund frá klíkunni? Ekki kemur þetta úr Kringlumýrinni, það er á hreinu hvernig sem þú nú tengir þessa Svavarsklíku í mitt nágrenni annars! Hefur þú séð þessa tegund?

[Jóhannes Ragnarsson, 21.6.2010 kl. 17:42]

Í fljótu bagði man ég ekki eftir að hafa heyrt talað um ,,gammossíunasista."

Hinsvegar ganga ungmenni, sem VG-forystan hefur tekið uppað brjósti sér, undir titlum eins og ,,dekurdýr" og ,,undanrennuæska," sem bendir til að hinir séruppöldu hjá Svavari, Álfheiði og Steingrími séu ekki beinlínis uppá marga fiska.

Ég tek undir með þér Eyjólfur, að þeim fer fjölgandi sem eru reiðir, telja sig illa svikna af kerfinu, stjórnmálaflokkunum, ríkinu. Ef núverandi ríkisstjórn tekur ekki afgerandi afstöðu með fólkinu í landinu, í staðinn fyrir að leggja alla áherslu á að endurreisa auðvaldskerfið sem hrundi, er ég ansi smeykur um að fari að draga heldur betur til tíðinda í haust.  

[Eyjólfur Jónsson, 21.6.2010 kl. 18:09]

Já það fer að draga til tíðinda, það er klárt mál. Ríkið búið að kaupa vélbyssur fyrir einn og hálfan miljarð. Bjarni Benediktsson var sagt að hypja sig og taka "gammossíunastistana með sér" þetta man ég. Það er ansi mikill undirbúningur í vissum herbúðum sem ekki er hægt að fela, það getur maður séð.