Hugsið ykkur 100 tonn af hagfræðingum

Svo segja fróðir menn, að ráðlegt sé að hafa í hakk hagfræðinga og skítapakk, en útúr þessháttar iðnaði ku verða til einhver ógeðslegasti kattarláfujafningur sem um er vitað á byggðu bóli. Hugsið ykkur 100 tonn af hagfræðingum í einni allsherjarkássu og þá yfirvofandi vá sem af slíkum ósköpum kann að stafa ef ekki yrði kippt rösklega í taumana.

Með gríðarlegan fjöld hagfræðinga, viðskiptafræðinga, auk annarra péníngafræðinga, í fararbroddi, hlupu íslensku frjálshyggjufólin óskeikulu fyrir björg kapítalismans og veltast nú um í þeirri efnahagsurð fyrir neðan hengiflugið sem þeir eiga fyllilega skilið að geyspa golunni í. En því miður verður það víst hlutskipti alþýðunnar að halda lífi í frjálshyggjuhræjunum í boði fyrstu ,,hreinu vinstristjórnarinnar" sem upp hefir risið á Íslandi. 

Skynsamlegt og vitlaust

Athugasemdir

[Hrafn Arnarson (IP-tala skráð) 18.7.2010 kl. 20:06]

Sæll Jóhannes ,

enda þótt það komi þínu bloggi ekki beint við þá verð ég að hæla Jóni Bjarnasyni fyrir þá ákvörðun hans að gefa veiðar á úthafsrækju frjálsar. Nú fengu kvótagreifarnir tækifæri til að afhjúpa sig og detta í gildru og það gerðu þeir svo sannarlega. Aldrei hefur verið ljósar að rækjukvótinn var eingöngu skiptimynt í gróða(kvóta)braski. kvótinn er afturkallanlegur af því að hann er ekki eign útgerðanna.

[Jóhannes Ragnarsson, 18.7.2010 kl. 20:51]

Hverju orði sannara hjá þér, Hrafn.