Svipað gerist í Suður-Múlasýslu fyrir allnokkrum árum.

Það er ekki nema von að manngreyið standi ráðþrota frammi fyrir þessari uppákomu í fjölskyldunni: Hann gengur að eiga gullfallega konu sem er dökk á brún og brá og hún launar fyrir sig með því að ala honum hvítingja. Fyrr má nú gagn gera. Og segjum nú sem svo að maðurinn kæmist að því að konan hafi farið á tónleika með Rolling Stones níu mánuðum áður sá hvíti fæddist, þá er eins víst að karlanganum færi að svima dálítið.

Annars varð svipaður atburður í Suður-Múlasýslu fyrir allnokkrum árum. Þar eignuðust ljóshærð hjón dreng sem er alveg eins og Grænlendingur. Þessi drengur er meira að segja sólginn í matvæli sem Grænlendingum fellur einum í geð og auk þess hjólbeinóttur eins og títt er með fólk á Grænlandi. Aldrei hefur fengist nokkur botn í þennan strákgarm, en móðir hans var gerð ærulaus af sveitungum hennar og loks flutt á geðveikrahæli í Reykjavík, eftir hafa árangurslaust leitað ráða hjá læknum gegn Grænlendingum.

Svört hjón eignast hvítt barn

Athugasemdir

[Ingibjörg Friðriksdóttir, 22.7.2010 kl. 22:20]

Ótrúlega undarlegt að það skuli hafa hent mig og einmitt í S- Múlasýslu að hafa getið af mér rauðhært barn þar sem hvorugt okkar hjóna erum rauðhærð.  Ég þarf samt að viðurkenna að einu sinni eða ca 9 mánuðum fyrir fæðingu eða um það bil sem getnaður átti sér stað, þá málaði ég á mér varirnar alveg hárauðar og gott ef ég var ekki einnig í rauðri brók svona rétt áður en.........

[Kristin stjórnmálasamtök, 24.7.2010 kl. 12:58]

Ég sem hélt að flestir Austfirðingar væru raunhærðir langt aftur í ættir ...

En augljóst er á þessum o.fl. nýlegum pistlum Jóhannesar, að hann er að reyna fyrir sér með nýjan stíl og "fréttamennsku".

[Jón Valur Jensson, 24.7.2010 kl. 13:02]

Afsakaðu, Jói minn, ég var óloggaður út á vefsíðu samtaka minna, nýbúinn að setja þar grein á bloggið, þegar ég rak mig svo á þín athyglisverðu skrif og varð að kommentera! En það má bæta því við sem PS, að þú færð örugglega margan lesandann út á þessi nýstárlegu skrif þín.