Loguðust útaf steindauðir fyrir miðnætti

Ástæðan fyrir ,,rólegri" nótt í Vestmannaeyjum ku vera sú, að sögn kunnugra, að þjóðhátíðargestir hafi verið orðnir mjög ölmóðir uppúr klukkan fimm í gærdag og flestir hafi lognast útaf steindauðir fyrir miðnætti. Eina lífsmarkið var meiriháttar líkamsárás sem þó var ekki alvarleg. Hvernig menn hafa fundið það út að meiriháttar líkamsárás sé ekki alvarleg má fjandinn vita, en ég kem stærðfræði af þessu tagi því miður engann veginn heim og saman og lái mér hver sem vill.

Á þessari stundu, sunnudaginn 1. ágúst 2010 kl. 10.36, geri ég ráð fyrir að mannskapurinn í Herjólfsdal sé í óðaönn að drekkja timburmönnum sínum og skítamóral í sönnum guðaveigum sem lífga sálaryl og verði komir í gott stuð um hádegi og haldi áfram þar sem frá var horfið í gær við að fremja dauðmeinlausar meirháttar líkamsárásir. 

Óvenju þægir þjóðhátíðargestir

Athugasemdir

[Eyjólfur Jónsson, 1.8.2010 kl. 17:22]

Jóhannes! þetta minnir okkur aðeins á aðgerðir ríkisstjórnarinnar er það ekki ? meiriháttar meinlausar er það ekki? Eða ekki?