Stagkálfurinn í fjóshaugnum og eigendur hans

Neineinei ... stingur ekki nema litli ráðsmaður gömlu aldauðu Framsóknarmaddömunnar hausnum upp úr fjóshaugnum baulandi eins og sannur stagkálfur. Í stað þess að heimta að vita hvort Gylfi ráðherra hafi einhverntímann talað við Steingrím J., ætti blessað barnið í fjóshaugnum að segja okkur frá hvernig eigendur hans, Halldór Ásgríms, Finnur Ingólfs, Ólafur bóndi á Miðhrauni, Sigurður í Kaupþingi og Þórólfur kaupfélagsstjóri, léku sér að ríkisvaldinu og fjármálakerfinu þegar hvað mestur skriður var á köppunum.

Þótt Jóhanna og Steingrímur, að ógleymdum Gylfa Magnússyni séu vond og vitlaus, þá standast þau eigendum Sigmundar Davíðs engann snúning þegar kemur að vondum verkum og hroðalegu innræti. Þessvegna á litli stagkálfurinn í fjóshaugnum Framsóknarfjóssins að temja sér hóflegt orðbragð þegar siðað fólk heyrir til.   

Lét Gylfi Steingrím vita?

Athugasemdir

[Jón Á Grétarsson, 14.8.2010 kl. 23:25]

Vá hvað þetta er hrokafull færsla. 

Smjörklípuaðferð Davíðs bliknar við hliðina á þessari færslu!

En hvaða skoðun ertu með á þessu:  

"Hefði átt að koma í veg fyrir að ríkisfé væri varið til að kaupa ólögmæt lán 

Hann telur að efnahags- og viðskiptaráðherra þurfi að svara því hvers vegna ekki var tekið meira tillit til óvissunnar við stofnun nýju bankana.

„Þegar ríkið lagði bönkunum til hundruð milljarða í eigið fé þá hefðu menn átt að gera ráðstafnir þannig að ekki væri verið að setja ríkispeninga í að kaupa lán sem gætu reynst ólögmæt."

Það þýðir kannski ekkert að tala málefnalega þegar maður er í drullumokstri ?

[Jóhannes Ragnarsson, 14.8.2010 kl. 23:43]

Mín persónulega skoðun er sú, að ríkið hefði ekki átt að leggja einn einasta eyri til bankanna. Það átti að láta þetta helvítis rusl fara í gjaldþrot.