Andskotans vitleysa í karlinum

Ekki skil ég í honum Árna mínum Johnsen að láta sér detta í hug að skila þessum grjóthlunkum aftur út til Vestmannaeyja, bara af því að einhverjar illa artaðar og öfundsjúkar hengilmænur fóru að fetta fingur útí grjótnámið. Það vita allir, sem á annað borð vilja vita eitthvað í sinn haus, að umræddir grjóthlunkar eru margfalt betur staðsettir í garðinum hans Árna en fyrir hunda og manna fótum í Vestmannaeyjum þar sem þeirra beið og bíður fátt annað en vera notaðir í uppfyllingu undir grútarverksmiðju eða hóruhús.

Um þessa óviðeigandi skilvísi Árna er ekki annað að segja en: andskotans vitleysa í karlinum. 

Árni skilar móbergshellum

Athugasemdir

[Anna Sigríður Guðmundsdóttir, 27.8.2010 kl. 21:18]

Árni var einn af þeim sem skildi að það þyrfti að hjálpa saklausum bændum með sig og sitt í Eyjafjalla-gosinu! Margt bendir til að maðurinn hafa réttlætis og siðferðiskennd sem aðra virtist skorta á erfiðum hamfara-tímum á þeim tíma? Svona safnar maður heildarmynd af persónum M.b.kv.

[Jóhannes Ragnarsson, 27.8.2010 kl. 21:26]

Hvað svo sem aðrir segja um Árna Johnsen, þá þykir mér nú alltaf dálítið vænt um kallinn, og það er einfaldlega af því að hann er skemmtilega litríkur karakter.

[Baldur Fjölnisson, 27.8.2010 kl. 21:37]

Jói góður eins og venjulega. Kveðja.