Röggsemi Ögmundar - slóðaskapur kvenna

Hann er fljótur að láta til sín taka hann Ögmundur Jónasson, loksins þegar Jóhanna og Steingrímur þorðu ekki öðru en að fá honum ráðherrastól svo að fari nú vel um hann; og nú ætlar hann að leigja björgunarþyrlu, dálítið sem forveri hans, vinsæli ráðherrann Ragna Árnadóttir, þorði eða vildi ekki gera.

Af þessu má draga þá ályktun að konur séu ákvarðannafælnar langt umfram karla og er þar máske komin skýringin á meintu sluxi og ráðaleysi ríkisstjórnarinnar fram að þessu. Það kann því að vera mjög alvarlegt mál að hafa marga kvenkyns ráðherra í einni ríkisstjórn; væri stjórnin eingöngu skipuð konum má samkvæmt ofangreindri tilgátu ætla að íslenska ríkið væri liðið undir lok og brostinn á sá stéttlausi kommúnismi án ríkisvalds sem Karl Marx og aðra góða drengi hefur dreymt um, elligar geggjaður, anarkí frjálshyggjudans þar sem ríkið er geymt í litlum kassa inní peningaskáp hjá einhverjum voldugum forstjóra, t.d. Þorsteini Má í Samherja eða Björgvini Thor.

En Ögmundur er sem sé kominn í ríkisstjórn og er þegar í stað farinn að bjarga fólki á ögurstundu, ólíkt kvenpeningnum í stjórnarráðinu þeim Jóhönnu, Kötu litlu, Kötu Júll, Swandeesy Sendiherrans, Stengrimi og Árna Páli.

Til að fyrirbyggja allan misskilning, lesandi góður, þá er nöfnum Stengrims og Árna Páls ekki ofaukið listanum yfir kvenpeninginn í ríkisstjórninni.  

Staðfesti dóm héraðsdóms

Athugasemdir

[Finnur Ólafsson Thorlacius, 10.9.2010 kl. 13:01]

Það er rétt að benda á að þetta var nú komið í pípurnar áður en Ögmundur tók við, LHG var búinn að auglýsa eftir þyrlu, það átti bara eftir að ganga frá þessu

[Jón Snæbjörnsson, 10.9.2010 kl. 13:03]

sama hvaðan gott kemur strákar

[Jóhannes Ragnarsson, 10.9.2010 kl. 13:07]

Það má vera að þyrlan hafi verið komin í pípuna, en það þorði enginn að blása henni út fyrr en Ögmundur kom til skjalanna.