Þunnur þrettándi

Helvíti má það vera þunnur þrettándi fyrir þrjátíu og þrjá námamenn að fá einungis tvo pakka af Winston á dag til að totta í sjálfheldunni. Eins og allir sanngjarnir menn vita þá eru tveir pakkar af Winston hæfilegur dagskammtur fyrir einn mann, þannig út frá heilbrigðu mannúðarsjónarmiði ætti að senda köllunum sextíu og sex Winstona dag hvern niður í námufjandann.

Og auðvitað á að gera betur en þetta við hina innilokuðu námuverkamenn: Það á líka senda þeim brennivín og kvenfólk þarna niður, að minnsta kosti um helgar, svo þeir geti gert sér glaðan dag eins og þeir sem ofanjarðar eru. Þegar Jón Hreggviðsson var vistaður í svartholinu á Bessastöðum, sællar minningar, átti hann þá ósk heitasta að fá niður til sín kvenmannsbelg, helst vel feita og þriflega, og fór fram á það við samfanga sinn, Jón Þeófílusson galdramann, að hann galdraði til þeirra eins og einn slíkan kvenmann til að sytta þeim stundir.

Ef kallagreyjunum verður ekki útvegað áfengi og kvenfólk, er hætt við að upp komi óeðli innan hópsins þannig að þegar þeir losna úr prísundinni um jólaleytið verði verði þeir orðnir afhuga hinu kyninu og séu þar með best geymdir langt ofaní iðrum jarðar til frambúðar. 

Fá loksins sígarettur

Athugasemdir

[smg, 12.9.2010 kl. 14:49]

Það þyrfti líklega að vera ansi nettur kvenmaður, því göngin sem nú eru, eru ekki nema nokkrir sentimetrar í þvermál! Hinsvegar væri nú hægt að senda til þeirra einhver uppblásin leikföng eða múffur...  Maður er manns gaman, en sjálfsagt er ekki gott eins og þú segir, að það fari of langt.

[Jóhannes Ragnarsson, 12.9.2010 kl. 15:20]

Að koma niður til þeirra kvenmanni er verkefni fyrir verkfræðinga og tæknifræðinga, ég skipti mér ekkert af því. Það er hægt að gera allan andskotann með tækninni nú til dags.