Frámunalega svívirðilegur munnsöfnuður

Mig, ásamt þúsundum annarra landsmanna, rak svo sannarlega í rogasans þegar fréttir bárust af frámunalega ósmekklegum munnsöfnuði kvenpersónunnar Sigríðar Ingibjargar Ingadóttur, sem ku vera alþingismaður, í garð Jakobs Valgeirs Flosasonar og Halldórs Ásgrímssonar. Talsmáti Sigríðar Ingibjargar um téða heiðursmenn er með þeim hætti að full ástæða er til að skrubba trantinn á henni að innan uppúr grænsápu, eins og gert var við blótsama og klámfengna smásveina í eina tíð. Ég vil í framtíðinni frábiðja mér kjafthátt og ruddalega orðnotkun alþingismanna í sama dúr og Sigríður Ingibjörg hefur gert sig seka um. Orðljótar krataskjátur hækka ekki í verði þótt þær ráðist með offorsi og hreðjaspörkum á annálaða dugnaðarmenn eins og Halldór Ásgrímsson og Jakob Valgeir Flosason.

Sagði þá vera drullusokka

Athugasemdir

[Níels A. Ársælsson., 27.11.2010 kl. 10:27]

Ha ha ha ha....

Ég vissi ekki að litla krata stelpan ætti til svona fallegt orðbragð í sinni eigu.

Ég mun ætíð hugsa til þessarar stelpu með miklum hlýhug....