Syfjaði draugurinn

Það er alltaf hóflega geðfellt þegar vart verður reimleika og sumir verða blátt áfram skelfingu lostnir þegar þeim verður ljóst að draugur er kominn á stjá. Og ekki eru allir draugar meinlausir, fjarri því, því sumir þeirra eru blóðþyrstir og girnast að slíta hold frá beini. Svo eru aðrir draugar, öðruvísi hættulegri, en hvimleiðir engu að síður, afspyrnu leiðinlegir og syfjaðir svo af ber. Undir síðast töldu draugategundina flokkast formaður Eflingar; óþolandi leiðindadraugur með margföld verkamannalaun. Þessi vafasami verkalýðsforstjóri með krónísku stýrurnar í augunum hefur staðið eins og klettur að hinni krónísku samtryggingu ASÍ-forystukrypplingastóðsins og stórkapítalistanna í samtökum atvinnurekenda. Þar fyrir utan hefur eflingarformaðurinn stundað marglofaða klofningsiðju innan samtaka verkafólks með Kristjáni úr Keflavík; þessa klofningsiðju kalla þeir félagarnir ,,Flóabandalag," og gegnir svipuðu hlutverki og þegar vígtennurnar eru dregnar úr hundi til að hann bíti ekki húsbændur sína í SA.

Óþolandi þversagnir ráðamanna

Athugasemdir

[Tómas Ibsen Halldórsson, 15.12.2010 kl. 10:53]

Ósköp er þú málefnalegur Jóhannes, eða hitt þó heldur.  Er málefnið sem formaður Eflingar fjallar um of viðkvæmt fyrir þig til þess að þú getir fjallað um það á málefnalegan hátt???  Hefðir þú tekið öðruvísi á málum ef önnur ríkisstjórn væri við völd sem væri að takast á við málefni dagsins???

Ég sé nefnilega fullt af "vinstra" fólki sem hefur snúist 180° í afstöðu sinni til félagslegra þátta í þjóðfélaginu og sýnist mér þú vera í þeirra hópi.

En hafðu það samt sem best og ég vona að þú og þitt fólk geti átt gleðilega jólahátíð.  En þess óska ég einnig þeim sem þurfa að bíða í röðum eftir að fá matargjafir vikulega vegna þess að launin og/eða bæturnar þeirra duga þeim ekki til framfærslu.

[Jóhannes Ragnarsson, 15.12.2010 kl. 11:32]

Það er einfaldlega ekki hægt að taka mark á einu einasta orði sem blessaðir verkalýðsforstjórarnir láta útúr sér, á þeirri staðreynd eiga þeir einir og óstuddir alla sök á. Svo má heldur ekki gleyma því að nær öll forystusveit almennu verkalýðshreyfingarinnar réri undir með græðgislýðnum fram að hruni. Enda stukku eflingarforstjórinn, Gylfi Arnbjörns, Kristján í Keflavík og Gvendur í rafmagninu allir sem einn undir borð, skelfingu lostnir, þegar alþýðan hóf mótmæli á strætum úti. Þessir menn eiga ekkert erindi við verkalýðsstéttina annað en að láta hana borga sér, mánaðarlega, fleirihundruð þúsund króna laun.

[Óskar Guðmundsson, 15.12.2010 kl. 17:54]

Takk Jóhannes.

Það er svo sannarlega rétt að þeir sem fyrir verkalýðsforustinni hafa farið síðustu ár eru skini skorpnir aðilar með margföld laun þeirra sem neðzst eru.

 Það sést einna helst hversu miklir amlóðar þeir eru þegar taxtar eru bornir saman við bætur....., þ.e.a.s. að lægstu laun eru lægri en venjulegar bætur.

Hvar er þá hvatinn fyrir því að vinna yfirleitt?

Munurinn milli lægstu launa og hæstu bóta verður alltaf að vera amk 20% eða að lágmarki 50.000, þar sem það er það sem það kostar að vera með vísitölufjölskylduna (2 börn) í vistun + að halda úti þó ekki væri nema strætókorti.

Það setur svo aftur kröfuna um að laun ættu í raun nú m.v. framfærslu að vera uþb 250.000 og hæstu bætur 200.000