Flaggstöng sjálfstæðismanna á Akureyri

Sá sem ók á fánastöngina á Akureyri var enginn annar en stórvinur okkar allara, Kolbeinn Kolbeinsson skrifstofustjóri, en hann og eiginkona hans voru að koma úr ærslafengnu jólaglöggi Sjálfstæðisflokksins þar nyrðra. Málsatvik vóru á þá leið, að sjálfstæðismenn á Akureyri, með útgerðarburgeisa í broddi fylkingar, buðu sjálfstæðisfólkinu frú Ingveldi, sem á í vændum mikinn frama innan flokksins einkum ef Torgerður Katrín segir af sér, og manni hennar Kolbeini Kolbeinssyni til samdrykkju á jólaglöggi í tilefni af fæðingarhátíð frelsarans. Skipti engum togum að allir góðborgarar Sjálfstæðisflokksins á Akureyri urðu drullufullir á svipstundu ásamt frú Ingveldi og Kolbeini. Kom þar loks drykkjulátum að akureyrskir sjálfstæðismenn vörpuðu Kolbeini Kolbeinssyni á dyr vegna þess að hann vildi varna þess að sjálfstæðismaður nokkur þar að norðan fíflaði frú Ingveldi inni á klósetti. Ætlaði Kolbeinn að aka brott frá samkvæmisstað en var svo ólánssamur að keyra af fullum þunga á flaggstöng sjálfstæðismanna á Akureyri sem brotnaði í tvennt og skall í götuna ásamt fánanum af ránfuglinum.

Ekið á fánastöng og inn í garð

Athugasemdir

[Erla Magna Alexandersdóttir, 16.12.2010 kl. 20:03]

Jóhann ertu viss um að þú sert ekki smá að laga þetta ?

[Jóhannes Ragnarsson, 16.12.2010 kl. 20:30]

Ja, viss og viss ekki. Ég hefi mína heimildarmenn.

Eða hefirðu máske trú á að innihaldi pistilsins hér fyrir ofan hafi í einhverjum atriðum ekki við nægilega góð rök að styðjast?

Og svo heiti ég Jóhannes en ekki Jóhann.